Vascos

De Biquipedia
Ir ta: navego, busca
Vascos
Euskaldunak
Íñigo Arista head.jpgIgnatius Loyola.jpgHinterglasbild Franz Xaver.jpg
Estitxu Fernandez.jpgPioBaroja.JPGMiguel Indurain 2.jpgXabi alonso.jpg
Enneco Ariesta · Loyola · Francisco Xavier · Pasaban
Xabi Alonso · Pío Baroja · Indurain · Estitxu Fernández
Rechions con comunidatz importants
Flag of the Basque Country.svg País Vasco 1.850.500
Bandera de Navarra.svg Navarra 508.900
Lapurdi.png Labort 225.000
Bandera Navarra.svg Ultrapuertos 40.000
Zuberoa.png Sola 20.000
Idiomas
Vasco, castellán y francés
Relichión
Catolica romana
Pueblos relacionatos
Castellans, gascons, aragoneses
Mapa
Nortasun.png
Porcentache de vascos en Euskal Herria.

Os vascos son un grupo etnico que habita en a part occidental d'os Pireneus, semontanos y tierras planas d'arredol: País Vasco, Navarra, Labort, Ultrapuertos y Sola. Charran una luenga aislata y propia, o idioma vasco y son tradicionalment catolicos. Ye posible que tiengan relación con os antigos vascons d'o norte d'a Val de l'Ebro, pero si que tienen una relación segura con os antigos aquitans.

Etnonimo[editar | editar código]

Os etnonimos con os que se clama a los vascos en bellos idiomas:

Luenga[editar | editar código]

Gnome-searchtool.svg
Ta más detalles, veyer l'articlo idioma vascoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

A luenga vasca ye un d'os elementos fundamentals en a definición d'a identidat vasca. Manimenos bi ha vascos que no charran vasco y tienen como luenga materna o francés u o castellán.

Relichión[editar | editar código]

Os vascos actuals son mayoritariament catolicos. O catolicismo ha tenito influencia en o desembolique de bells sectors d'o nacionalismo vasco. Os chesuitas educaban a las clases dirichents vascas en part d'o suyo territorio, encara que en Pamplona fuoron sustituitos n'este paper por l'Opus Dei quan en a dictadura franquista esta secta catolica prenió importancia.

En l'alta Edat Meya bi heba politeístas vascos conoixitos como jentillak, ("chentils", "pagans"), y que han deixato recuerdo en a mitolochía vasca (que fa part d'a mitolochía pirenenca), on bi ha tamién presonaches mitolochicos como as lainas en as que creyeban os zaguers politeístas vascos. O politeísmo vasco presentaban sincretismo con a relichión romana, y por eixemplo as lainas tienen una denominación que se remonta a las lamias d'a mitolochía griega transmesa por os romans.

En a Baixa Edat Meya en as tierras vascas bi habió focos de bruixería, que como en atras zonas d'Europa representaban movimientos "contraculturals" contra l'orden que representaba a Ilesia Catolica u a sociedat patriarcal. Estió celebre o proceso inquisitorial contra a bruixería de Zugarramurdi.