Val d'Almonecir

De Biquipedia
Ir ta: navego, busca
Este articlo ye sobre Val d'Almonecir, un municipio d'a provincia d'Castellón. Ta d'atros usos d' Almonecir, veyer Almonecir (desambigación).
Val d'Almonecir
Municipio d'o País Valencián
Anvista de Val d'Almonecir
Anvista de Val d'Almonecir
Entidat
 • Estato
 • Comunidat
 • Provincia
 • Comarca
Municipio
Flag of Spain.svg Espanya
Comunidat Valenciana
Castellón
Alto Palancia
Superficie 21,1 km²
Población
 • Total

266 hab. (2005)
Altaria 441 m.
Distancia
 • 62 km

enta Castellón de la Plana
Codigo postal 12414
Val d'Almonecir en a Comunidat ValencianaVal d'Almonecir en a comarca de l'Alto Palancia

Val d'Almonecir (Vall de Almonacid en castellán, La Vall d'Almonesir en catalán) ye un municipio d'a provincia de Castellón, situato en a comarca de l'Alto Palancia. A suya población ye de 266 habitants (2005), en una superficie de 21,1 km² con una densidat de población de 12,61 hab/km².

Historia[editar | editar código]

Se dió a primera Carta Puebla en 1582, pero estioron los sinyors d'a familia Ximénez d'Urreya qui concedioron una segunda Carta Puebla en 1610, repoblando lo lugar con aragoneses.

Toponimia[editar | editar código]

Almonecir provién d'o latín Monastir, pero a traviés de l'arabe, cambeyando o grupo -st- por -z-.

En 1256, quan Chaime I d'Aragón ordena a los alcaitz y habitadors d'a comarca que deixen pasturar a los bestiars de Segorb en lurs termins, s'escribe Almonezir.

Fidelibus suis alcaidis et universis hominibus de Altura, de Gayvuel, de Almonezir, de Almedixar, de Castronovo, de Azuveba, de Pellinos, de Sova, de Sot, de Arguenas, de Gatava, de Marinas et de Serras, tam presentibus quam futuris. Salutem et gratiam.

En un texto de 1319 en idioma aragonés, en lo que Pero Churdán d'Arenoso y la Marquesa Llopiz de Rada ceden a lo suyo fillo Gonzalvo part de la senyoría d'Arenoso s'escribe Val de Almonezir:

Los quales sobreditos castieyllos son en el reyno de Valencia, et afruentan con Ruvielos e con Noveruelas, et con san Agustín, aldea de Teruel, e con Pina, et con Castielmontán, et con Pavías, et con Matet, et con Val de Almonazir, et con Jinquer, et con Zuera, et con Ansara, et con Arrayna, et con Luzena, et con Chodos, et con Vistabeylla, et con el Puerto de Vengalmón, et con Castielvispal, et Zuara.

En toponimia menor clama l'atención un caso de diftongación en -ia- en o sufixo -iello: Fuente de las Balsiallas.

Parla[editar | editar código]

Bi ha lesico aragonés: esclafar, barral, ansa, pansa, mangrana, molla, rosigar, cal, no cal, plegar, replegar, suco, pescatero, embolicar, teda, tedero, remugar, estraudes.

A parabra pelitaina (Parietaria)[1] ye local pero d'orichen aragonés (conservación d'a xorda intervocalica y con terminación -aina.

Bi ha casos de conservación d'o chenero femenin en sustantivos rematatos en -or: la calor, la sudor, la color, la claror, la negror.

Referencias[editar | editar código]

  1. Natividad Nebot Calpe EL CASTELLANO-ARAGONÉS EN TIERRAS VALENCIANAS (ALTO MIJARES, ALTO PALANCIA, SERRANÍA DE CHELVA, ENGUERA Y LA CANAL DE NAVARRÉS). Archivo de Filología Aragonesa XXXIV-XXXV. 1958

Vinclos externos[editar | editar código]


Municipios d'a comarca Alto Palancia
Alchimia d'Almonecir | Almedíxar | Altura | Azuébar | Val d'Almonecir | Barracas | Bexix | Benafer | Vivel | Castellnou | Caudiel | Chóvar | Figueras | Gaibiel | Matet | Navachas | Pavías | Pina | Sacanyet | Segorb | Sonecha | Sot de Ferrer | Teresa | Torás | Lo Toro | Xeldo | Exerica