Unidatz de mesura aragonesas

Bara chaquesa chunto a la portalada d'a Seu

As unidatz de mesura aragonesas, más conoixitas tradicionalment como mesuras (u actualment midas) son as unidatz que se feban servir ta amesurar as diferents magnitutz en Aragón dinantes d'a creyación d'o sistema metrico decimal y que encara s'emplegan a vegatas en bellas actividatz rurals.

Unidatz de longaria

Unidat aragonesa	Equivalencias Sistema Internacional d'Unidatz	Equivalencia con atras unidatz
Vara u codo	77 cm	4 palmos
Piet	25 cm	-
Palmo	19 cm	-
Fulco u furco	15 cm	-

Unidatz de masa

Unidat aragonesa	Equivalencias Sistema Internacional d'Unidatz	Equivalencia con atras unidatz
Carga	151,5 kg	3 quintals
Quintal	50,5 kg	-
Roba u arroba	12,6 kg	36 libras
Quarterón	3,15 kg	9 libras
Almut u almute	1,5 kg	-
Libra	350 gr	12 onzas
Onza	29 gr	-
Arienzo	1,8 gr	-

Unidatz de cabida ta liquidos

Se feban servir as mesmas midas que ta la masa, amás s'emplegaba tamién l'arrobeta ta l'aceite y nietro, cantaro y charro, que encara s'emplegan, ta lo vin.

Unidat aragonesa	Equivalencias Sistema Internacional d'Unidatz	Equivalencia con atras unidatz
Robeta u arrobeta	-	24 libras
Nietro	158,5 litros	16 cantaros
Cantaro	9,9 litros	8 charros
Charro	1,24 litros	-

Unidatz de cabida t'aridos

Unidat aragonesa	Equivalencias Sistema Internacional d'Unidatz	Equivalencia con atras unidatz
Cafiz u cafizata	179 litros	-
Fanega u faneca	22,4 litros	12 almuz
Cuartal	5,6 litros	1/4 de fanega
Almut u almute	1,87 litros	-

Unidatz de superficie

Unidat aragonesa	Equivalencias Sistema Internacional d'Unidatz	Equivalencia con atras unidatz
Cafiz u cafizata	5.721 m²	8 fanegas
Fanega u faneca	18 dm²	7,15 arias
Quartal	39 dm²	2,38 arias / 4 almuz / 1/4 de fanega
Almut u almute	59 dm²	0,59 arias / 100 varas quadratas

Atra unidat de superficie ye a chunta (bells 2.700 m²) que ye a superficie que se puet arar con una chunta de dos bueis en una chornata de treballo.

Bibliografía

• "Gramatica de la Lengua Aragonesa". NAGORE, Francho. Ed. Mira Editores ISBN 84-86778-16-6
• "Sistema aragonés de pesas y medidas. La metrología histórica aragonesa y sus relaciones con la castellana". LARA IZQUIERDO, Pablo. Zaragoza, Guara editorial, 1984.

Unidatz de mesura aragonesas
Longaria: Vara (codo) - Piet - Palmo - Fulco Masa: Carga - Quintal - Arroba - Quarterón - Almut - Libra - Onza - Arienzo Cabida (liquidos): Arrobeta - Nietro - Cantaro - Charro Cabida (aridos) y superficie: Cafiz - Fanega - Quartal - Almut