Txeroki

De Biquipedia
Ir ta: navego, busca

Mikel Garikoitz Aspiazu Rubina (Bilbau, 6 de chulio de 1973), conoixiu con a embotada de Txeroki, ye un miembro d'ETA, estando lo chefe melitar d'a organización dica que fue preso en noviembre de l'anyo 2008.

Biografía[editar | editar código]

Naixió en 1973 en Bilbau (País Basco). Dentró en a kale borroka con 24 anyos y fue entrenato en l'uso de armas por Gorka Palacios y María Soledad Iparraguirre, Anboto, con qui teneba una gran amistanza.

O suyo primer atentato estió en 2001, o 7 de noviembre. Fue identificato como un d'os autors de l'asasinato d'o chuez José María Lidón, quan saliba d'o suyo coche en Getxo chunto a la suya muller y seguito en atro vehíclo por un d'os suyos fillos.

Dimpués d'a tregua de 1998 reorganizó los comandos d'ETA, prenendo lo mando. Se creye que estió un d'os suyos lugartenients qui ordenó, in situ, l'asasinato de dos guardias civils desarmatos de 24 y 23 anyos en Francia, en aviento de 2007. Os dos miembros d'ETA, tanto Txeroki como lo suyo lugartenient, yeran entre os terroristas más buscatos en as listas d'a Guardia Civil.

Fue preso en a maitinata d'o 17 de noviembre de 2008, chunto con Leire López Zurutuza, en a localidat francesa de Cautarès, en una operación conchunta d'a Guardia Civil y a chendarmería francesa.[1]

Referencias[editar | editar código]