Tuca Lardana
| Lardana / Pocetz | |
 A tuca Lardana dende o Pico Espadas |
|
|
|
|
| Situación | Grist, Vall de Benás, Uesca |
| Latitut | 42°39′ N |
| Lonchitut | 0°25 E |
|
|
|
| Cordelera | Pireneus |
| Altaria | 3.375 m |
|
|
|
| Primera puyada | H. Halkett; 6 d'agosto de 1856 |
| Rota mas fácil | Dende o cubillar Ángel Orús por a Canal Fonda (Ruta Reyal) |
|
|
|
.png)
 |
|
A tuca Lardana u pico Pocetz, ye una tuca aragonesa que, con os suyos 3.375 metros d'altaria, ye o segundo pico más alto d'os Pireneus, dezaga de l'Aneto. Situata en a parti meya d'a cordelera, en Grist (Vall de Benás, Uesca) ofreixe una anvista que la fa obchectivo deseyable ta muitos alpinistas.
[editar] Toponimia
Pareixe que o nombre de Pocetz proviene d'unos pozos (pronunciato /posets/, en benasqués) que bi ha en a suya versant septentrional. En chistabín li dicen "Lardana" y en benasqués egual, pero con a "l-" inicial palatalizata como "Llardana".
[editar] Primera puyata
A primera puyata estió lo 6 d'agosto de 1856, dimpués de l'Aneto. O primer alpinista que plegó a la cima estió lo britanico H. Halkett. Haberban de pasar quasi vinticinco anyadas ta la primera puyata hibernal, que la facioron Roger de Monts y Célestin Passet.
[editar] Ruta Reyal
Ye a ruta més conoixita. Dende puent d'Espiantosa (1.505 metros) en a vall de Benás, se puede ir-ie en 1h 45' dica o cubillar Ángel Orús (2095 m). Dende o cubillar s'ha de salir enta o norueste por un camín mui bien sinyalato. En menos d'una hora se trescruza o torrent y s'arriba a una pleta. Un poco más ent'alto lo camín se bifurca. Agafando lo d'a dreita se dentra a la canal fonda an quasi tot l'anyo bi ha chelo. Ye convenient levar crampons y piolet.
Dimpués de tres horas se ye a los pietz d'a Dent de Llardana (a la quala se puede puyar). Continado por a cantaleta primero y por a cresta de bloques fácils dimpués, se plega a la tuca en unas 4 horas (dende o cubillar).
A baixada se fa por o mesmo camín en tres horas.
