Troncedo

De Biquipedia
Ir ta: navego, busca
Troncedo
Localidat d'Aragón
134.Troncedo vista.jpg
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

23 hab. (2011)
Altaria 1008 m.
Distancia
 • 105 km
 • 24 km
 • 12 km

enta Uesca
enta L'Aínsa
enta Graus
Codigo postal 22438
Patrons Sant Lorient, Sant Veturian, Sant Esteban
Parroquial
 • Diocesi
 •Arciprestato

Balbastro-Monzón
Ribagorza
Troncedo en Aragón
Troncedo
Troncedo
Situación de Troncedo en Aragón

Troncedo ye un lugar aragonés d'o municipio d'a Fueva, en a comarca d'o Sobrarbe y provincia de Uesca. A suya población ye de 23 habitants (2011[1]).

Troncedo ye un lugar que se troba a 1008 metros d'altaria en o extremo sud-oriental d'A Fueva, en l'alto d'un cerro que cosira o paso por a sierra d'o Turón u de Troncedo dende Graus t'a fondonada fovana, que siempre i ye estau pero que en l'actualidad se fa por a carretera de rete local HU-V-6441. A caracteristica mas definidera de o lugar de Troncedo ye o suyo castiello espaldau, d'o qual no se guarda sique a torre de l'homenache, de dimensions superiors a as d'altros castiellos principals en o Sobrarbe (mismo l'Aínsa u Boltanya las tienen más chicas), o que fa pensar en as proporcions que podeba tener en a suya epoca d'uso. Ista torre y atros restos d'o castiello han estau reasentaus recientement por o Gubierno d'Aragón como primera fase d'un prochecto de rehabilitación d'a totalidat d'o castiello, pero las atras 2 fases no tien fixada calendata d'escomencipio y tampoco no tienen presupuesto asignau.

Por a importancia d'o castiello de Troncedo se sabe de l'antiguedat d'o lugar, pues se'n ha puesto trobar documentos dende o reinau de Sancho Lo Mayor (primera mitat d'o sieglo XI)[2] que ya daban treslau de como de principal yera ta defender o condau de Sobrarbe quan que a cercana villa de Graus encara yera mora. En 1797 Troncedo teneba 150 habitants.[3]

A población de Troncedo a forman dos vicos deseparaus. La uno, posiblement más moderno, se disposa arredol d'o castiello y d'a ilesia parroquial y lo forma una sola carrera en a que i ha bella ventena de casas. En iste vico, as construccions han aprofeitau a irregularidat d'o terreno d'a cresta d'o cerro en a que s'aposentan, en a que i salen as penyas y las ha caliu concaver en os muros; amás muitas piedras d'o castiello han estau aprofeitatas pa fer as suyas casas, lo que pareix indicar que va construyir-se quan iste ya en yera en desuso y s'emplegaba de cantera. O segundo vico, un poquet mas desalpartau y probablement mas antigo, se troba en unas faixas por debaixo d'o vico principal, baixo lo castiello (que lo proteixe) en a baixant que se'n va ta o barranco d'o Salinar, y t'arribar-ie cal pillar una pista que tansament fará docientos metros baixín-baixando dende un lateral d'a carretera u o camín que baixa baixo la frontera ueste d'o castiello. Iste vico teneba tradicionalment o nombre de «Casas d'o Sant' Ánchel»[4], manimenos hue en diya se lo conoixe popularment simplement como «Sant'Anchel» y consiste en qualques casas que bordeyan una ilesieta (recientement rehabilitada) que diz que podeba haber estau consagrada a Sant Miguel Arcánchel en belatro momento,[4] anque en l'actualidat en ye pero a Sant Veturián.

A ilesia parroquial ye romanica d'o sieglo XII y se troba en alto d'una penya que a fa devantar un poquet por d'encima d'a carretera (que pasa chusto a o costau). Ye consagrada fendo-le honras a Sant Esteban.

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 32 35 35
2003 2004 2005 2006 2007 2008 2009 2010 2011
33 30 29 26 28 28 30 30 23
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens[editar | editar código]

Fiestas[editar | editar código]

Referencias[editar | editar código]

Vinclos externos[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa