Troncedo

Troncedo
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Sobrarbe A Fueva (municipio)
Población  • Total	23 hab. (2011)
Altaria	1008 m.
Distancia  • 105 km  • 24 km  • 9,5 km	enta Uesca enta L'Aínsa enta Tierrantona
Codigo postal	22438
Patrons	Sant Lorient
Parroquial  • Diocesi  •Arciprestato	Balbastro-Monzón Ribagorza
Troncedo Situación de Troncedo en Aragón

Troncedo ye un lugar aragonés d'o municipio d'a Fueva, en a comarca d'o Sobrarbe y provincia de Uesca. A suya población ye de 23 habitants (2011).

Troncedo ye un lugar que se troba a 1008 metros d'altaria en o extrimo sud-oriental de a Fueva, en alto d'un cerro que cosira o paso por a sierra d'o Turón dende Graus ta fondonada fovana, que siempre i ye sido pero que en l'actualidad se fa por a carretera de rete local HU-V-6441. A caracteristica más definidera de o lugar de Troncedo ye o suyo castiello espaldau, d'o qual no se guarda si que a torre de l'homenache, de dimensions superiors a as d'altros castiellos principals en o Sobrarbe (mismo l'Aínsa u Boltanya as i tienen más chicas), o que fa pensar en as proporcions que podeba tener en a suya epoca d'uso.

Por a importancia d'o castiello de Troncedo se sabe de l'antiguedat d'o lugar, pues se'n ha puesto trobar documentos dende o reinau de Sancho Lo Mayor (primera mitat d'o sieglo XI) que ya daban treslau de como de principal yera ta defender o condau de Sobrarbe quan que a cercana villa de Graus encara yera mora. En 1797 Troncedo teneba 150 habitants.

A población de Troncedo a forman dos vicos deseparaus. La uno, posiblement más antigo, se disposa arredol d'o castiello y d'a ilesia parroquial y o forma una sola carrera en a que i ha bella ventena de casas. En iste vico, as construccions han aprofeitau a irregularidat d'o terreno d'a cresta d'o cerro en a que s'aposentan, en a que i salen as penyas y las ha calido concaber en os muros. O segundo vico, un poquet más desalpartau, se troba en unas faixas por debaixo d'o vico principal, en a baixant que se'n va ta o barranco d'o Salinar, y t'arribar-ie cal pillar una pista que tansament fará docientos metros baixín-baixando dende un lateral d'a carretera. Iste vico ha nombre «Casas d'o Sant' Ánchel» y consiste en qualques casas que bordeyan una ilesieta que diz que podeba haber estau consagrada a Sant Miguel Arcánchel en bell altro momento, anque en l'actualidat en ye pero a Sant Veturián.

A ilesia parroquial ye romanica d'o sieglo XII y se troba en alto d'una penya que a fa devantar un poquet por d'encima d'a carretera (que pasa chusto a o costau). Ye consagrada fendo-le honras a Sant Esteban.

Demografía

Evolución demografica

1992 1994 1996 1997 1998 1999 2000 2001 2002 - - - - - - 32 35 35

2003 2004 2005 2006 2007 2008 2009 2010 2011 33 30 29 26 28 28 30 30 23

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Imáchens

• 

  Ilesia parroquial de Troncedo, romanica d'o sieglo XII.

• 

  O castiello de Troncedo, en uebra de rehabilitación en o verano de 2010

Fiestas

• 15 de mayo, romería t'a ermita de Sant Isidro Labrador.
• 1 de chuliol, romería t'a ermita de Sant Úrbez.
• 10 d'agosto, Fiesta Mayor, fendo-le honras a Sant Lorient.
• 26 d'aviento, fiesta d'hibierno, fendo-le honras a Sant Esteban.

Vinclos externos

• Se veigan as imáchens de Commons sobre Troncedo.