Tractato d'os Pireneus

De Biquipedia
Ir ta: navego, busca
Perdugas territorials d'a Monarquía Hispanica por o Tractato d'os Pireneus, en color rosa.

Se conoix con o nombre de Tractato d'os Pireneus u Paz d'os Pireneus a un tractato internacional sinyato o 7 de noviembre de 1659 en a isla d'os Faisans, una chicota isla fluvial en o río Bidasoa (muga entre as dos monarquías intervenients) entre Luis de Haro, representant d'o rei Felipe III d'Aragón, y o cardenal Mazarino, representant d'o rei Loís XIV de Francia, en o marco d'os tractatos de paz que rematoron a Guerra d'as Trenta Anyatas.

Por iste tractato, que gosa considerar-se que fa parte d'o conchunto de tractatos d'a dita Paz de Westfalia, entre atras importants perdugas territorials d'a Monarquía Hispanica en favor d'o Reino de Francia, a Corona d'Aragón perdió o condato d'o Rosellón y parte d'o condato d'a Cerdanya, que actualment conforman a dita Catalunya Norte en o estato francés, con capital en Perpinyán. Istas cesions se facioron sin as previas consultas a las Cortz d'a Corona d'Aragón, que no se trobaba representata en as negociacions, crebando-se asinas o Privilechio d'Unión d'Aragón y Mallorca de Pero IV d'Aragón seguntes o qualo os territorios que heban feito parte de l'antigo Reino de Mallorca no podrían nunca deseparar-se d'a Corona d'Aragón.

Vinclos externos[editar | editar código]