Torrero - A Paz

Torrero - A Paz
Destrito de Zaragoza
Torrero - A Paz en Zaragoza
Entidat  • País  • Ciudat	Destrito Aragón Zaragoza
Subdivisions	Torrero, A Paz, Torreciella de Val Madriz
Superficie  • Total	Posición 3 de 12 13.293,76 hectarias
Población  • Total	Posición 9 de 12 36.693 hab. (2008)
Nº distrito	9

Torrero - A Paz ye un destrito de Zaragoza (Espanya). Ye dividito en dos vicos: Torrero y A Paz. Tamién incluye o vico rural de Torreciella de Val Madriz. Ye situato en a parti sud d'o municipio de Zaragoza y muga con os destritos de Casablanca, Universidat, Sant Chusé y As Fuents y a lo sud con os municipios de Quart de la Uerva, María de la Uerva, Cadret, Val Madriz y Mediana d'Aragón.

Historia

Mapa d'o destrito

O vico naixe quan empecipian a arribar os primers habitants con a construcción d'o fosal en 1834. A comencipios d'o sieglo XX a prencipal fuent d'economía d'o barrio yeran as chesas, d'astí biene o nombre d'a Plaza de las Canteras (Cantera ye como se diz "pedrera" en castellán) situada en iste vico, que en aquella epoca yera clamato de Venecia por a canal. Atro feito important estió a construcción d'a garchola provincial en 1928. Torrero esdevinió un vico d'acullida d'emigrants d'a posguerra y en trenta anyadas pasó de 1.200 a 12.000 viviendas. O vico de A Paz, situato en a parti este de Torrero, naixió a metat d'os anyos quaranta. Entre os suyos primers habitants bi heba muitos andaluces. O nombre d'o vico se debe a lo pai don Emilio Pérez Vidal, mosen que cedió quantos terréns en os que se construyoron casetas, que se dividían en trestallas. Dende os anyos cinquanta y dica 1978 más de cient familias chitanas pobloron a redolada d'o vico conoixida como Las Graveras, a lo norte d'o vico chunto a la canal. Actualment se troba en ista zona o parque d'a Paz.

Esporte

• O fútbol ye representato por a Club Deportivo Giner Torrero.