Torgotz

De Biquipedia
Ir ta: navego, busca
Torgotz
Торгууд
Rechions con comunidatz importants
Flag of the People's Republic of China.svg China
Flag of Mongolia.svg Mongolia
Idiomas
Oirato
Relichión
Budismo
Pueblos relacionatos
Pueblos mongols

Os torgotz son una d'as quatre tribus historicas d'os oiratos, que se troban actualment en a rechión autonoma d'o Xinjiang, en China.

Quan se crebó l'alianza d'as quatre tribus confederatas, Koo Orlug se deseparó d'os atros oiratos en o sieglo XVII y emigró con muitos torgotz t'a río Volga trescurzando o territorio d'os cazacos por o norte d'os mars de Caspia y Aral. O numero de torgotz que emigroron s'estima en 40.000 tiendas,[1] y combatioron contra os cazacos d'a Horda Chicota d'o Emba y contra os nogais a man d'Astrakhan. Rematoron a suya migración entre os ríos Ural y Volga y fundoron un nuevo estato conoixito como "Horda Kalmuca. Os rusos los clamoron Kalmycs. A los torgotz lis s'achuntoron faccions de khoxotz y derbetz. Os calmucos actuals descienden d'os integrants d'estas tribus que quedoron en a marguin ueste d'a Volga en 1771.

Uns pocos torgotz emigroron enta Kok Nur. En 1698 500 torgutz que iban en pelegrinación ta o Tibet fuoron establitos por o emperador Qing en Ejen. Manimenos encara quedoron bells torgotz en Dzhungaria en os tiempos de dominio d'os Choros. Os torgotz d'a marguin este d'o Volga que tornoron ta Dzhungaria en 1771 fuoron derrotatos por os manchutz Qing, que lis permitioron establir-sen como colons en a val d'o río Ili u ixemenar-sen por Mongolia. Hue en Xinjiang (China) bi ha 60.000 torgotz y en Khovd (Mongolia) bi n'ha 10.000.

Referencias[editar | editar código]

  1. Gavin Hambly, ASIA CENTRAL. 1972 Siglo XXI de Espanya Editores.

Bibliografía[editar | editar código]