Torero

De Biquipedia
Ir ta: navego, busca
O torero Sebastián Castella mientres d'una corrida en Aguascalientes (Mexico), en 2010.

Un torero, en o lenguache d'a tauromaquia, ye a presona que en l'actual versión d'o toreo tien o protagonismo prencipal d'a corrida, dirichindo a una quadrilla de colaboradors (banderillers, picadors, etc.) en o espectaclo. O torero, si fa o suyo treballo a caballo, ye dito rechoneador.

Actualment a carrera profesional de torero prencipia estando un novillero, quan nomás se torea que toros de menor tamanyo, peso y fuerza, y s'esdevién dimpués un autentico torero quan, en una corrida especial, se diz que se pren l'alternativa.

Antigament, uno d'os signos distintivos d'a profesión de torero yera a coleta, que se tallaba quan o torero albandonaba ixa profesión, quedando trazas en o luengache castellán ta quan bellún albandona uan profesión, treballo u actividat, u mesmo dixa de banda una iniciativa de qualsiquier tema que yera fendo, y se diz alavez que se talla a coleta.

No s'emplega a palabra ta referir-se a qui en as fiestas d'os pueblos partecipa puntualment en un encierro por as carreras d'os animals, que puet estar acompanyato de meter fuego a los cuernos d'os animals, en os ditos toro de fuego u toro embolato. Istas fiestas especials son prou conoixitas en bells puestos d'Aragón, como as Cinco Villas, a on o toro de fuego más conoixito se practica encara hue en Sadaba.

Os toreros en Aragón[editar | editar código]

En Aragón, uno d'os más conoixitos toreros estió o farasduesano Martincho, que actuó mientres d'o sieglo XVIII.

Se veiga tamién[editar | editar código]

Vinclos externos[editar | editar código]