Tirpitz (acuirazau)

De Biquipedia
(Reendrezau dende Tirpitz (acorazato))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Botadura d'o Tirpitz l'1 d'abril de 1939 en Wilhemshaven.
O Tirpitz en un fiordo amán de Narvik, en Noruega.

O Tirpitz estió un vaixiello d'a Kriegsmarine, l'Armada d'o Tercer Reich, mientres a Segunda Guerra Mundial, que recibió o suyo nombre en a honor d'o almirant Alfred von Tirpitz (1849-1930), uno d'os fundadors d'a Kaiserliche Marine luego d'a unificación d'Alemanya. Estió un acuirazau de 43.000 toneladas de desplazamiento (56.000 a plena carga de carburant y armamento) que podeba fer cuasi 31 nyudos de velocidat, con un potent blindache. En ixe inte, estió o mas gran acuirazau d'as armadas europeas.

O Tirpitz, encara que os treballos ta la suya construcción prencipioron en 1935, cuan Adolf Hitler prencipió un ambicioso programa militar ta o Tercer Reich, no lo botoron dica l'1 d'abril de 1939 en Wilhemshaven, en una ceremonia presidita por o mesmo Hitler, estando a madrina d'o vaixiello Ulrich von Hassell, filla d'Alfred von Tirpitz (y que, a la fin, estió asasinada por os nazis en fer parte d'a Resistencia alemana a o nazismo y partecipar en o atentau d'o 20 de chulio de 1944 contra Hitler); sindembargo, no rematoron as obras ta dotar-lo d'os suyos sistemas d'armamento dica o 25 de febrero de 1941.

Mientres a guerra, a Kriegsmarine decidió no ninviar pas a iste vaixiello a la luita en a mar d'o Norte como heba feito con o Bismarck, encara que estió en as costas de Noruega, estando asinas una amenaza latent ta os convois de suministros militars ninviaus por os Aliaus occidentals t'a Unión Sovietica. Os britanicos prencipioron cuantas operacions ta prebar de destruyir o vaixiello, que en zaguerías fue destruito o 12 de noviembre de 1944 por un ataque d'o Royal Air Force Bomber Command d'a Royal Air Force britanica. emplegando bombas especials disenyadas por Barnes Wallis.

Vinclos externos[editar | modificar o codigo]