Tibalt I de Navarra

De Biquipedia
Ir ta: navego, busca
Iste articlo ye sobre un rei de Navarra y conte de Campanya y Bria. Ta atros usos se veiga Tibalt I.
Tibalt I de Navarra
Rei de Navarra y conte de Campanya y Bria
Theobald IV. of Champagne.gif
Sello de Tibalt

1234-1253
Predecesor Sancho VII o Fuerte
Succesor Tibalt II de Navarra

1234-1253
Predecesor Tibalt III de Campanya
Succesor Tibalt II de Navarra

Naixencia 30 de mayo de 1201
Muerte 8 de chulio de 1253
Pai Tibalt III de Campanya
Mai Blanca de Navarra

Tibalt de Campanya, naixito de Troyes (hue Campanya-Ardenas, Francia) o 30 de mayo de 1201 y muerto en Pamplona o 8 de chulio de 1253, estió rei de Navarra con o nombre de Tibalt I de Navarra (1234-1253) y conte de Campanya (1201-1253) con o nombre de Tibalt IV de Campanya, a más de conte de Bria (1201-1253). Fue clamato Tibalt I o Postumo y Tibalt I o Trobador.

Orichens familiars[editar | editar código]

Tibalt yera fillo de Tibalt III de Campanya, conte de Campanya y de Bria, y de Blanca de Navarra, filla de Sancho VI de Navarra y Sancha de Castilla.

Actividatz[editar | editar código]

Primeras anyadas[editar | editar código]

Naixito fillo postumo (o suyo pai Tibalt III heba muerto en Troyes o 24 de mayo de 1201 mientres feba os preparativos ta a suya participación en as Cruzatas), o suyo padrino estió Felipe II, rei de Francia, y s'educó en a Cort de Francia, por Blanca de Castilla, esposa d'o futur Loís VIII de Francia, que yera prima d'a suya mai.

Os condatos de Campanya y Bria[editar | editar código]

Uno d'os suyos primos, Erardo de Brena, creyeba tener dreitos a la succesión d'os condatos de Campanya y de Bria, y dende 1216 dica 1221 bi habió una guerra (a Guerra de Succesión de Campanya), que ganó Tibalt, con l'aduya de Felipe II de Francia, d'Eudes III de Borgonya y de Frederico II d'o Sacro Imperio Román Chermanico.

As guerras de Francia[editar | editar código]

En 1224 partecipó en as guerras de Francia contra Anglaterra, y prenió parte en o setio de La Rochelle.

Tamién aduyó a lo rei de Francia mientres a Cruzata d'os albichenses, encara que albandonó l'Exercito francés dende o prencipio d'a campanya. En 1228 negoció con Remón VII, conte de Tolosa, as condicions d'o Tractato de París de 1229 ta rematar a guerra.

En 1226 prebó de reunir a os nobles franceses ta evitar a coronación de Loís IX de Francia, pero dimpués s'alió con iste, en contra d'os nobles (que heban estato os suyos enemigos mientres as guerras por a succesión d'a Campanya). Os nobles franceses se vengoron atacando y espullando o suyo condato de Campanya, que sostenió con l'aduya d'o rei francés.

O reino de Navarra[editar | editar código]

O 12 de febrero de 1234 morió Sancho VII, rei de Navarra, que heba signato un pacto con Chaime I, rei d'Aragón, pacto de succesión reciproca entre ambos reis ta o suyos reinos. Asinas, seguntes o pacto Chaime I yera o nuevo rei de Navarra, pero a nobleza navarra s'oponió, y o succesor estió Tibalt, que yera sobrín de Sancho VII (Sancho yera chirmán d'a suya mai, Blanca de Navarra). Estió asinas o fundador d'a dinastía de Campanya en o reino de Navarra.

A suya politica estió de pactos con as potencias limitrofes (Anglaterra, Francia, Aragón y Castiella) ta consolidar o suyo reino en Navarra. Estió o creyador d'as merindatz en o reino de Navarra ta sustituir a las tenencias, que yeran as institucions tradicionals en o reino (y en Aragón). Establió quatro merins ta mandar en as quatro merindatz en que trestalló o reino.

Dende o punto de vista churidico, estió o iniciador d'a compilación d'as leis tradicionals de Navarra, formando asinas os prencipios d'o Fuero Cheneral de Navarra. Confirmó os fueros de Baigorri (despoblato d'Oteiza chunto a Lerín) en 1234, atorgó o títol de villa a Etayo, confirmó a los labradors de Villatuerta o fuero de costería, fació de reyalenco as villas de Mirafuentes y Ubago, concedió a lo concello de Miranda pa fer una zut, concedió a los collazos de Artaxo que fuesen de reyalenco, unificó a peita de Galipienzo tot en textos escritos en navarro-aragonés.[1]

En o suyo gubierno d'o reino, recibió l'aduya d'a nobleza d'o condato de Campanya, y istos nobles recebioron importats cargos politicos en o reino.

Ta consolidar a paz con o reino de Castiella, signó un tractato con Ferran III de Castiella, seguntes o qual se casarían l'infant de Castiella Alifonso X y Blanca de Navarra, y Castiella daría Guipuzcua a Navarra mientres Tibalt vivise (encara que no pas tamién Alava, como quereba Tibalt): asinas o reino de Navarra tendría salida ta la mar Cantabrica. Sindembargo, o pacto no se cumplió, y Blanca casó en 1236 con Chuan I, duque de Bretanya.

Por as suyas malas relacions con l'arcebispato de Pamplona, en 1250 l'excomulgó un concilio provincial, encara que o Papa Inocencio IV li concedió a escape o privilechio de que nomás por mandato d'o Papa podeba estar excomulgato, deixando asinas sin efecto a excomunión.

As Cruzatas[editar | editar código]

Dimpués d'una crida d'o Papa Gregorio IX, Tibalt partecipó en una Cruzata ta Tierra Santa, encara que no bi habió grans resultatos.

O Trobador[editar | editar código]

Tibalt fue clamato o Trobador porque yera trobador, encara que no en occitán sino en francés. Ye l'autor de 71 composicions liricas (37 de tema amoroso). Estió o trober[2] más famoso d'a suya epoca.

A suya muerte[editar | editar código]

Tibalt I de Navarra morió en Pamplona, a capital d'o reino de Navarra, y bi ye apedecato, en a seu de Pamplona. Morió quan tornaba d'un viache ta o condato de Campanya.

Matrimonios y fillos[editar | editar código]

Arredol de 1220 casó con Chertrudis de Dagsburgo, filla d'o conte de Dagsburgo y de Metz, encara que la repudió por no poder apoderar-se d'o condato de Metz.

Fació un segundo matrimonio arredol de 1223 con Agnés de Beaujeu, prima de Luis IX de Francia, filla de Guichard de Beaujeau, sinyor de Beaujeu, y de Sibila d'Hainaut. Estioron os pais de:

Dimpués d'a muerte d'Agnés en 1231, casó en 1232 con Margalida de Borbón-Dampierre, filla d'Archambaud VIII, sinyor de Borbón. Fueron os pais de:

Tamién tenió bells fillos ilechitimos, d'entre os quals:


Predecesor:
Sancho VII o Fuerte
Rei de Navarra
1234 - 1253
Succesor:
Tibalt II de Navarra
Predecesor:
Tibalt III de Campanya
Conte de Campanya
1201 - 1253
Succesor:
Tibalt V de Campanya
Predecesor:
Tibalt III de Campanya
Conte de Bria
1201 - 1253
Succesor:
Tibalt V de Campanya


Referencias[editar | editar código]

  1. Luís Javier Fortun Pérez de Ciriza "COLECCION DE FUEROS MENORES DE NAVARRA Y OTROS PRIVILEGIOS LOCALES". Revista Principe de Viana. Año nº 43, Nº 166-167, 1982 , pags. 951-1038 [1]
  2. Un trober (d'o francés trouvère) ye un trobador que fa as suyas composicions en francés y no pas en occitán, a luenga d'os trobadors.