Terra Galega

De Biquipedia
Ir ta: navego, busca

Terra Galega (Tierra Gallega en aragonés) ye una coalición de partitos politicos nacionalistas gallegos de centro progresista que se formó lo 4 de noviembre de 2005, anque yera rechistrata dende mayo d'ixe anyo.

La forman o Centro Democrático Independiente (CDI), Iniciativa Galega, Coalición Galega, Unidade por Narón y bellas atras chicotas fuerzas locals. Celebró lo suyo congreso constituyent o 20 de mayo de 2006 con a participación de 500 compromisarios que esliyoron a Pablo Parín (ex-consellero de sanidat d'a Chunta de Galicia) como president y a Xoán Gato (alcalde d'a localidat coruñesa de Narón) como coordinador cheneral.

O 12 de chulio de 2008 celebró o suyo II Congreso, en o que Pablo Padín salió reesleito president y Xermán Tobío nuevo secretario cheneral.[1] Sindembargo, o sector liderau por Xoán Gato impugnó o Congreso y aconsiguió que, o 23 d'agosto siguient, o chuzgau suspendese cautelarment os acuerdos presos en o mesmo, con o que íste recuperó o suyo cargo de coordinador cheneral.[2]

Terra Galega tenió o 2,05% d'os votos en as eleccions municipals de 2007 en o conchunto de Galicia lo que estió 69 concellers en 29 municipios, estando a quarta fuerza politica d'a comunidat.

Vinclos Esternos[editar | editar código]

Referencias[editar | editar código]

  1. Pablo Padín revalida a presidencia no Congreso de Terra Galega, Vieiros 13 de xullo de 2008
  2. La Voz de Galicia, 24 de agosto.