Teresa Perales

De Biquipedia
Ir ta: navego, busca
Teresa Perales IPC logo (2004).svg
A nadadora aragonesa Teresa Perales, en una imachen de 2013.
A nadadora aragonesa Teresa Perales, en una imachen de 2013.
Información personal
Calendata naiximiento: 29 d'aviento de 1975
Puesto naiximiento: Flag of Aragon.svg Zaragoza, (Aragón)
Esporte: Natación
Chuegos Paralimpicos
Archent Sydney 2000 50m mariposa
Bronze Sydney 2000 100m libre
Bronze Sydney 2000 200m libre
Bronze Sydney 2000 50m espalda
Bronze Sydney 2000 50m libre
Oro Atenas 2004 100m libre
Oro Atenas 2004 50m mariposa
Archent Atenas 2004 4x50m rel. est.
Bronze Atenas 2004 100m braza
Bronze Atenas 2004 50m espalda
Bronze Atenas 2004 50m libre
Oro Pequín 2008 100m libre
Oro Pequín 2008 200m libre
Oro Pequín 2008 50m libre
Archent Pequín 2008 50m espalda
Bronze Pequín 2008 100m braza
- Filla predilecta de Zaragoza.
- Medalla d'oro d'a Reyal Orden d'o Merito Esportivo.

Teresa Perales Fernández (Zaragoza, Aragón, 29 d'aviento de 1975) ye una nadadora paralimpica aragonesa ganadora de vinte medallas en os Chuegos Paralimpicos, politica (ex-deputada d'as Cortz d'Aragón) y escritora.[1]

Trachectoria[editar | editar código]

Naixió de Zaragoza o 29 d'aviento de 1975. A suya paraplexia no l'ha privau de desembolicar una brilantisma carrera esportiva. Con 19 anyos, Teresa perdió a movilidat dende a cintura enta abaixo, por causa d'una neuropatía. Dimpués de bells meses, Teresa aprendió a nadar y en cosa d'un anyo empecipió a competir.[2][3] Prencipió a destacar en 1998 quan, en os Campionatos d'o Mundo de Nueva Zelanda, se fació con o bronze en 50 metros libres. A l'atro anyo ya aconsiguió quantas medallas en os Campionatos Europeus: medalla de bronze en 50 y 100 libres, y en 50 estilo paixarela; y medalla d'archent en 200 libres, 4x50 libres y 4x50 estilos. La suya consagración arriba en l'anyo 2000, quan acude ta os Chuegos Paralimpicos de Sydney. Astí aconsigue quatro medallas de bronze -100 y 200 libres, 50 espalda y 50 libres- y l'archent en 50 metros paixarela.

Atenas 2004[editar | editar código]

En os Chuegos Paralimpicos d'Atenas 2004, Teresa Perales fació l'actuación mas destacada dica alavez. I aconsiguió tres medallas de bronze -100 braza, 50 espalda y 50 libre-, l'archent en 4x50 relevos, y os oros en 50 metros paixarela y 100 metros libres. [4]

O periodo 2004-2008[editar | editar código]

Dos anyadas mas tardi, en o Campionato d'o Mundo celebrau en Sudafrica, se fació con o bronze en 50 metros libres y espalda, y con l'archent en 50 metros paixarela. [5]

En noviembre de 2007, en o Campionato Britanico de Natación en Piscina Curta, Teresa batió os records d'o mundo de 100 y 200 metros libres de natación adaptada, y asinas conquirió dos nuevos oros a os que habría que sumar atros dos que en ganó a l'atro'l día en as prebas de 50 metros paixarela y 50 metros libres.[6]

Entre os días 28 y 30 de marzo de 2008, Teresa aconsiguió tres medallas d'oro en tres prebas disputadas en o French Swimming Championships, Open Internacional de natación celebrau en a ciudat francesa de Nancy.[7]

Pekín 2008[editar | editar código]

En os Chuegos Paralimpicos de Pekín 2008 estió a on a nadadora aragonesa se coronó como una d'as prencipals figuras d'a cita olimpica con tres medallas d'oro (en 50, 100 y 200 metros libres), una d'archent (en os 50 espalda) y una de bronze (en 100 braza) y antiparte, dos récords mundials.[8][9] [10]

Ixas 5 medallas fuoron una gran fita en a historia d'o esporte aragonés. Con ellas, Teresa Perales se tornaba en a esportista espanyola con mas medallas en os Chuegos Olimpicos.[11]

O 17 de septiembre de 2008, Teresa fue esleyida, por votación d'os esportistas paralimpicos, miembro d'o Consello d'Esportistas d'o Comité Paralimpico Internaciona.[12]

Londres 2012[editar | editar código]

O 29 d'agosto, estió a portiadora d'a bandera d'a delegación espanyola en a ceremonia d'inauguración d'os Chuegos Paralimpicos de Londres 2012.[13]

Distincions individuals[editar | editar código]

O 4 d'octubre de 2008, o pleno d'o Concello de Zaragoza li atorgó o titol de Filla predilecta de Zaragoza.[14]

A l'atro'l día y coincidiendo con o 200 aniversario d'os Setios de Zaragoza, Teresa y atras aragonesas recullioron a medalla d'Homenache a las Heroinas de mans de l'alcalde d'a ciudat, Juan Alberto Belloch.[15]

O 23 d'abril de 2009, fue condecorada por os reis d'Espanya con a Reyal Orden d'o Merito Esportivo y li entregoron a medalla d'oro.[16]

Trachectoria politica[editar | editar código]

Teresa Perales fa parte d'o Partido Aragonés y estió deputada en as Cortz d'Aragón por a circumscripción de Zaragoza dimpués d'as esleccions de 2003, en as eleccions a Cortz d'Aragón de 2003.[17] En 2006 asumió a Dirección Cheneral d'Atención a la Dependencia y en noviembre de 2007 estió a cabeza de lista d'o Partido Aragonés (PAR) ta las eleccions chenerals de 2008 por Zaragoza.[18]

En chunio de 2008 fue esleida presidenta d'o Rolde Choben (a chovenalla d'o Partido Aragonés). [19]

Vida familiar[editar | editar código]

Ye casada con o periodista aragonés Mariano Menor. A voda se celebró lo 8 de chinero de 2005 en a Basilica d'o Pilar de Zaragoza.[20]

Vida social[editar | editar código]

En 2007, publicó o libro autobiográfico: Mi vida sobre ruedas.[21]

Por dos anyadas, fue profesora en a Universidat de Zaragoza impartindo l'asignatura de libre elección Fisioterapia en o esporte paralimpico.[22]

Titols[editar | editar código]

  • En citas olímpicas —Sídney 2000, Atenas 2004, Pekín 2008 y Londres 2012— ha aconseguiu deciueito medallas[23]:
    • 5 d'oro
    • 4 d'archent
    • 9 de bronze
  • En os campionatos mundiales de 1998, 2002 y 2006, antiparte de batir seis records mundials, ha aconseguiuo once medallas:[23]
    • 6 d'archent
    • 5 de bronze
  • En os campionatos europeus de natación paralimpica de 1999, 2001 y 2003, ha aconseguido catorce medallas:[23]
    • 1 d'oro
    • 10 d'archent
    • 3 de bronze
  • Antimás, ha batiu seis récords de Espanya.[23]

Bibliografía[editar | editar código]

  • Teresa Perales, Mi vida sobre ruedas: La lucha de una mujer, campeona paralímpica, de natación y política, para afrontar con Optimismo su discapacidad, Esfera de los libros, 2007. ISBN 9788497346535.
  • Javier Lafuente, Gran Enciclopedia de los Deportistas Aragoneses, Diario Equipo.

Vinclos externos[editar | editar código]

Referencias[editar | editar código]

  1. (es) Datos biograficos de Teresa Perales en a pachina web oficial d'o Comité Paraolimico Espanyol.
  2. (es) Entrevista a Teresa (Pequeñas referencias).
  3. (es) Entrevista a Teresa Perales.
  4. (es) La diosa de Atenas, en El Periódico de Aragón, 29 de setiembre de 2004. Acceso: 20 d'agosto de 2010.
  5. (es) Tres medallas para Teresa Perales en el Mundial Paralímpico, El Periódico de Aragón, 10 d'aviento de 2006. Acceso: 20 d'agosto de 2010.
  6. (es) Teresa Perales bate dos records d'o mundo en natación adaptada, Aragón Digital, 3 de noviembre de 2007. Acceso: 20 d'agosto de 2010.
  7. (es) Teresa Perales consigue tres medallas de oro en Francia, Aragón Digital, 30 de marzo de 2008. Acceso: 20 d'agosto de 2010.
  8. (es) Teresa Perales logra el primer oro español en los Juegos Paralímpicos, Aragon Digital, 7 de setiembre de 2008. Acceso: 20 d'agosto de 2010.
  9. (es) La nadadora Teresa Perales logra una segunda medalla en Pekín, Aragon Digital, 8 de setiembre de 2008. Acceso: 20 d'agosto de 2010.
  10. (es) Teresa Perales lleva ya dos oros y una plata en los Juegos Paralímpicos, Aragon Digital, 9 de setiembre de 2008. Acceso: 20 d'agosto de 2010.
  11. (es) Teresa Perales, reina del medallero español, El Mundo, 16 de setiembre de 2008. Acceso: 20 d'agosto de 2010.
  12. (es) Teresa Perales defenderá a los deportistas en el Comité Paralímpico Internacional, El Mundo, 17 de setiembre de 2008. Acceso: 20 d'agosto de 2010.
  13. (es) Teresa Perales, la española más laureada en los Juegos Paralímpicos, Heraldo de Aragón, 30 d'agosto de 2012. Acceso: 30 d'agosto de 2012.
  14. (es) Los alcaldes democráticos de la ciudad reciben las medallas de oro con los partidos divididos por la concesión a Triviño. Aragón Digital, 4 d'octubre de 2008. Acceso: 20 d'agosto de 2010.
  15. (es) Zaragoza rinde homenaje a sus heroínas del siglo XXI, Aragón Digital, 5 d'octubre de 2008. Acceso: 20 d'agosto de 2010.
  16. (es) Teresa Perales y Félix Brocate, distinguidos por la Real Orden del Mérito Deportivo, Diario Equipo, 23 d'abril de 2009. Acceso: 20 de agosto de 2010.
  17. (es) La nadadora Teresa Perales es la sorpresa para las Cortes, en El Periódico de Aragón, 17 de chinero de 2003. Acceso: 20 de agosto de 2010.
  18. (es) Teresa Perales, María Herrero y Mª Victoria Sanagustín encabezarán las listas del PAR al Congreso en las generales, Aragón Digital, 5 de noviembre de 2007. Acceso: 20 d'agosto de 2010.
  19. (es) Las juventudes del PAR apuestan por Teresa Perales para una etapa de consenso, Aragón Digital, 7 de chunio de 2008. Acceso: 20 d'agosto de 2010.
  20. (es) La mejor medalla de Teresa, reportache de El Periódico de Aragón, 9 de chinero de 2005. Acceso: 20 d'agosto de 2010.
  21. (es) "Mi vida sobre ruedas" cuenta la vida luchadora de Teresa Perales, Aragón Digital, 17 de chulio de 2007. Acceso: 20 d'agosto de 2010.
  22. (es) Teresa Perales]. Pachina web d'o Partido Aragonés. Acceso: 20 d'agosto de 2010.
  23. 23,0 23,1 23,2 23,3 (es) Palmarés de Teresa Perales (en www.teresaperales.com)