Tenochtitlán

De Biquipedia
Ir ta: navego, busca
Mapa d'o laco de Texcoco con a situación de Tenochtitlán en 1519, quan hi plegoron os conquistadors espanyols d'Hernán Cortés.

A ciudat de Tenochtitlán yera una ciudat antiga, capital d'o Imperio mexica (tamién conoixito como azteca). Fue establita por os mexicas en l'anyada 1325 y esdevenió mientres o suyo dominio a ciudat mas poderosa de Mesoamerica dica l'anyada 1521, quan fue destruita por os conquistadors espanyols d'Hernán Cortés, que destruyoron l'estato mexica con a dita Conquiesta de Mexico y facioron d'a ciudat a capital d'una nueva colonia, que hue ye en a Ciudat de Mexico, a capital de Mexico.

Encara que no se conoix exactament quála yera a suya población ni quala yera a superficie ocupata por a ciudat, se diz que teneba alto u baixo 8 km² y que a suya población yera d'arredol de 100.000 habitants (estando asinas una gran ciudat, que en Europa nomás teneba mas habitants Costantinoble, con 200.000, París on 250.000 y Venecia con 160.000.

Se trobaba en o laco de Texcoco, construita orichinalment dencima de tres chicotas islas d'o laco, Tenochtitlán, Tlatelolco y Nonalco, encara que quan hi plegoron os espanyols s'heban adhibito tamién as chicotas islas de Tultenco y Mixhuca. Yera conectata con tierra firme por meyo de bellas calzatas elevatas sobre as auguas d'o laco, construitas por piedras, fusta y tierra. Antiparte, as auguas d'o laco s'emplegaban no nomás ta la pesca, sino tamién ta cultivar-ie (en as ditas chinampas) alimentos vechetals. Istas chinampas, con o tiempo, esdevenían tierra firme, enamplando asinas poquet a poquet a superficie emerchita d'as auguas d'o laco.

Vinclos externos[editar | editar código]