Teleferico Funchal-Monte

De Biquipedia
Ir ta: navego, busca
Terminal superior.
Cabina d'o teleferico.
Arribando en o Monte.
Panoramica sobre Funchal.

O Teleferico Funchal-Monte fa o enlace d'a zona viella d'a ciudat de Funchal (isla de Madeira, Portugal) y o Monte, en alto u baixo 15 menutos, tenendo una vista panoramica d'a ciudat a o largo d'o trachecto. Ye composato por 42 cabinas de 8 plazas cadaguna, movitas por un sistema tipo telecabina monocable de tipo desembragable.[1]

A construcción d'o teleferico Funchal-Monte prencipió en setiembre de 1999 y fue inaugurato en noviembre de 2000; o trachecto fue concebito con l'obchectivo de recuperar o papel toristico d'o Comboio do Monte, existent entre 1887 y 1943.[1]

O cordón tien 3178 m de largaria y 43 mm de gordaria, y se refirma en 11 torres metalicas conicas que mantienen una distancia de 5,5 m entre cada dos trampos de cable, belunas construitas en mel meyo d'o casco urbán. O mayor vueito ye de 550 m, entre as torres n.os 3 (a mas alta, con 39 m) y 4, con os dos cables distanciatos excepcionalment 6,5 m un de l'atro. A motorización, localizata en a estación base, tien una potencia de 302 kW.[1]

A estación de base se situa en o chardín de l'Almirant Reis, en a zona historica de Funchal, estando a base superior, en o Monte, a meyo camín entre o Largo das Babosas y os Chardins d'o Monte.[1] En iste puesto bi ha correspondencia piatonal con o terminal superior d'o Teleferico do Jardim Botânico y no ye guaire luent d'a gara Monte d'o tren cremallera d'o Comboio do Monte, extinta en 1943.

Referencias[editar | editar código]

Vinclos externos[editar | editar código]