Tartres de Crimea

De Biquipedia
Ir ta: navego, busca
Tartres de Crimea
Bandera d'os tartres de Crimea
Tuhaj Bej.jpgNoman Chelebicihan.jpgAhmed Ihsan Kirimli.jpg
Toğay BeyN. ÇelebicihanAhmed Ihsan Kirimli
Población total
472.337
Rechions con comunidatz importants
Flag of Crimea.svg Crimea 248.200[1]
Flag of Uzbekistan.svg Uzbekistán 150.000
Flag of Turkey.svg Turquía 50.000
Flag of Romania.svg Rumanía 24.137
Idiomas
Tartre de Crimea
Relichión
Islam
Pueblos relacionatos
Pueblos turquicos
Mapa
Crimean Tatar 1939-num.png
Porcentache de tartres en a rechión de Crimea

Os tartres de Crimea son o grupo etnico de luenga turquicas y relichión musulmana orichinato en Crimea, con una diaspora en Rumanía, Bulgaria, (a mayor part d'os tartres de Dobrucha) Turquía y Uzbekistán.

Historia[editar | editar código]

A suya etnochenesi se troba quan os Cumans u Quipchaks, pueblos turquicos que habitaban as estepas d'Ucraína y Sud de Rusia fuoron sozmesos a los mongols en o sieglo XIII y se creyó o Khanato d'a Horda d'Oro, que dimpués se trestalló en bellas partz, estando-ne o Khanato de Crimea una, la que més duró. En los sieglos d'existencia d'os khanatos os dominadors mongols prenioron a luenga turquica local d'os Cumans y a relichión musulmana d'os vicins meridionals. Os Cumans tamién s'islamizaban y con lo tiempo en as diferents zonas antigament habitatas por os Cumans amaneixeban diferents identidatz etnicas gobernatas por una clase dirichent musulmana con suposato orichen mongol. Os rusos los deciban tartres, termin que aplicaban como sinonimo de musulmán. Os ostrogodos, os esclavos y part d'os griegos de Crimea s'asimiloron a los tartres.

Con l'anexión de Crimea por part d'o Imperio Ruso en 1772-1783 a población cristiana d'a rechión fue trasladata d'a peninsula a las rechions que o gobierno prebaba de desembolicar, y esto encara fació abanzar més a tartrización: muitos griegos d'a costa se convirtioron a l'Islam.

Os zars fomentoron a immigración eslava a principios d'o sieglo XIX. Alavez muitos tartres de Crimea emigraban a lo Imperio Otomán, feito que s'acceleró en a Guerra de Crimea (1853-1856). Beluns d'os actuals tartres de Dobrucha descienden d'os que se'n fuoron en ixos tiempos. Como resultato d'un sieglo de dominio ruso a población tartra baixó dende os 500.000 inicials dica uns 200.000 individuos.

A principios d'o sieglo XX qualques tartres de Crimea se facioron adeptos d'o panturquismo y emigroron individualment ta o Imperio Otomán. Dimpués d'a Revolución Rusa os tartres emigraban ta Turquía en collas chicotas. En 1980 34.000 habitants de Turquía s'identificaban como tartres encara.

Quan os sovieticos establioron a Republica Autonoma de Crimea en 1912 os tartres no yeran que o 25 %, a mayor part d'a población yera rusa u ucrainesa. Os nacionalistas tartres se posoron de part d'o exercito alemán quan en a Segunda Guerra Mundial ocuporon Ucraina y parte de Rusia.

En 1944 os tartres que quedaban en Crimea fuoron deportatos por a colaboración de part d'ellos con os alemans. A metat morioron de camín ta Asia Central. Principalment fuoron reasentatos principalment en Uzbequistán. Encara que un decreto sovietico de 1967 los rehabilitó colectivament no lis permitioron de tornar ta Crimea, on nuevos rusos y ucraineses ya ocupaban o suyo puesto.

Con a caita d'o comunismo y a desaparición d'a URSS o gobierno ucrainés ha permeso que os tartres tornasen ta Ucraina con a esperanza que se posasen en contra d'as pretensions d'a Federación Rusa, que quiere recuperar esta peninsula. Encara que a decisión de permitir-lis de tornar se prenió en noviembre de 1990, no s'ha levato a la practica dica o periodo entre 1991-1996.

D'acuerdo con o censo de 2001 os tartres yeran o 12.03% d'a población de Crimea. En a crisi d'Ucraína y Crimea de 2014 os tartres crimeus s'han aliniau con o gubierno ucrainés y s'han oposau a la mayoría rusa que deseya a integración de Crimea en Rusia.

Referencias[editar | editar código]

Bibliografía[editar | editar código]

  • Amiram Gonen: Diccionario de los pueblos del mundo. 1996 Anaya&Mario Muchnik.