Tartres

De Biquipedia
Ir ta: navego, busca
Tartres
Татарлар
Shihabetdin Marcani.jpg Gawrilowbrest.jpg Safina signing autographs.jpg
Shihabetdin Marcani · Pyotr Gavrilov · Dinara Safina
Población total
7.000.000
Rechions con comunidatz importants
Flag of Russia.svg Rusia 5.554.601
Flag of Uzbekistan.svg Uzbequistán 467.829
Flag of Kazakhstan.svg Cazaquistán 204.229
Flag of Ukraine.svg Ucraína 73.304
Flag of Kyrgyzstan.svg Kirguizistán 31.500
Flag of Tajikistan.svg Tachiquistán 19.000
Idiomas
Tartre
Relichión
Islam
Mapa
Arias habitatas por comunidatz tartras
Arias habitatas por comunidatz tartras

Tartre y tartaro ye o nombre común que se da a bells pueblos de luenga turquica de Siberia y Europa Oriental.

Etimolochía y significato[editar | editar código]

O nombre tien un caracter ambigo, no s'aplica a totz os pueblos de luenga turquica, pero bells pueblos de luenga turquica que huei no son ditos tartres lo yeran dica fa poco. Por atra parte con o termin tartre s'ha dito tamién a los pueblos mongols en cheneral y en o Imperio Ruso a os musulmans en cheneral.

Pareix que lo nombre derive en parte de Ta-ta u Dada, un pueblo mongol que habitaba lo norueste de l'actual Mongolia en o sieglo V. S'emplegó por primera vegata pa describir a los pueblos que dominoron partz d'Asia y Europa dende Chenguis Khan. Dimpués lo termin s'estendilló pa incluir a qualsiquier invasor nomada d'orichen asiatico, tanto de Mongolia como d'Asia Occidental.

En aragonés lis dicen tartres en o Libro de Marco Polo, y en a versión A d'as Cronicas d'os Chudeces de Teruel:

Anno Mº CC LXXXXVIII. Don Simón de Corvon. Prisieron los tartres a Jherusalem

pero los dicen tartaros en as atras versions d'as Cronicas d'os Chudeces de Teruel u Efemerides turolenses, lo qualo mos fa pensar que existió una alternancia tartre/tartro como sepulcre/sepulcro u quatre/quatro, u talment que a espardidura d'a traducción d'o Libro de Marco Polo cheneralizó a conoixencia d'a forma tartre, que por atra part yera usual en catalán medieval, luenga que podió estar transmisora d'este etnonimo oriental, igual que a denominación "vin grec" ("vin griego"), referindo-se a la "malvasía".

Antes d'a decada de 1920 os rusos feban servir a parabra Tatar pa dicir lumerosos pueblos, dende os azerís dica a bellas tribus de Siberia. Dimpués o termin s'ha restrinchito a bells grupos etnicos como por eixemplo os tartres de Kazán y Siberia que charran una luenga turquica d'o grupo quipchac (como os cazacos, kirguizes y nogais), os tartres de Crimea, que en charran una d'a mesma branca que o turco d'Anatolia, y os tartres de Lituania, Polonia y Bielorrusia aislatos de tot respecto a los atros.

Os diferents pueblos tartres, dimpués d'estar chusmesos a los rusos, han desembolicato tendencias nacionalistas como o panturquismo, manimenos os tartres de Crimea gosan considerar-se a parte d'os atros pueblos tartres grans, unificatos por a gran diaspora d'os tartres de Kazán en Siberia.

Lista de comunidatz tartras[editar | editar código]

Os tartres de Crimea u atras d'atras zonas refuchiatos en a Turquía moderna recibiban o nombre de Muchatchirs (como atras minorias musulmanas d'orichen europeu refuchiatas tals como os bosnians u os pomacos), y s'han ito asimilando a los turcos d'Anatolia.

Presonaches famosos tartres u con orichens tartres[editar | editar código]

Tartre luitando contra un cosaco