Tartres
| Tartres | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
   |
||||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
|
||||||||||||||||||
|
||||||||||||||||||
|
|
||||||||||||||||||
| Tartre | ||||||||||||||||||
|
|
||||||||||||||||||
| Islam | ||||||||||||||||||
Tartre y tartaro ye o nombre común que se da a bells pueblos de luenga turquica d'Asia Central y Europa Oriental.
[editar] Etimolochía y significato
O nombre tien un caracter ambigo, no s'aplica a totz os pueblos de luenga turquica, pero bells pueblos de luenga turquica que huei no son ditos tartres lo yeran dica fa poco. Por atra parte con o termin tartre s'ha dito tamién a los pueblos mongols en cheneral y en o Imperio Ruso a os musulmans en cheneral.
Pareix que lo nombre derive en parte de Ta-ta u Dada, un pueblo mongol que habitaba lo norueste de l'actual Mongolia en o siglo V. S'emplegó por primera vegata pa describir a los pueblos que dominoron partz d'Asia y Europa dende Chenguis Khan. Dimpués lo termin s'estendilló pa incluir a qualsiquier invasor nomada d'orichen asiatico, tanto de Mongolia como d'Asia Occidental.
En aragonés lis dicen tartres en o Libro de Marco Polo, y en a versión A d'as Cronicas d'os Chudeces de Teruel:
pero los dicen tartaros en as atras versions d'as Cronicas d'os Chudeces de Teruel u Efemerides turolenses, lo qualo mos fa pensar que existió una alternancia tartre/tartro como sepulcre/sepulcro u quatre/quatro, u talment que a espardidura d'a traducción d'o Libro de Marco Polo cheneralizó a conoixencia d'a forma tartre, que por atra part yera usual en catalán meyeval, luenga que podió estar transmisora d'este etnonimo oriental, igual que a denominación "vin grec" ("vin griego"), referindo-se a la "malvasía".
Enantes d'a decada de 1920 os rusos feban servir a parabra Tatar pa dicir lumerosos pueblos, dende os turcos azerbaichans como a bellas tribus de Siberia. Dimpués o termin s'ha restrinchito a bells grupos etnicos como por eixemplo os tartres de Kazán y Siberia que charran una luenga turquica d'o grupo quipchac (como os cazacos, kirguizes y nogais), os tartres de Crimea, que en charran una d'a mesma branca que o turco d'Anatolia, y os tartres de Lituania, Polonia y Bielorrusia aislatos de tot respecto a los atros.
Os diferents pueblos tartres, dimpués d'estar chusmesos a los rusos, han desembolicato tendencias nacionalistas como o panturquismo, manimenos os tartres de Crimea gosan considerar-se a parte d'os atros pueblos tartres grans, unificatos por a gran diaspora d'os tartres de Kazán en Siberia.
[editar] Lista de comunidatz tartras
- Tartres de Siberia
- Tartres de Baraba
- Tartres de Chulim
- Tartres d'a Volga
- Tartres de Kazán
- Tartres de Astrakhán
- Tartres de Casim u Riazán
- Mixars
- Diaspora tartra en tot o mundo, en especial Asia.
- Tartres de Crimea
- Tartres de Crimea refuchiatos en Rumania, Bulgaria y Turquía.
- Tartres de l'antiga Unión Polaco-Lituana
Os tartres de Crimea u atras d'atras zonas refuchiatos en a Turquía moderna recibiban o nombre de Muchatchirs (como atras minorias musulmanas d'orichen europeu refuchiatas tals como os bosnians u os pomacos), y s'han ito asimilando a los turcos d'Anatolia.
[editar] Presonaches famosos tartres u con orichens tartres
- Rudolf Nureyev, danzaire ruso
- Alsou, cantaira ruso
- Zemfira, cantaira rusa
- Marat Safin, chugador de tenis ruso
- Raschid Nurgalijew, menistro d'interior ruso
- Rinat Dassajew, futbolista ruso
- Nikolai Chabibulin, chugador ruso de hockey
- Tschulpan Chamatowa, actriz rusa
- Rinat Achmetow, oligarca ucrainés
- Musa Cälil, poeta
- Charles Bronson, actor nortamericán, que fació bells papers d'indio u mestizo por los rasgos mongoloides que tienen bells tartres
- Elvira Nabiullina, menistra rusa
- Rashid Sunyaev, astrofisico ruso
- Roald Sagdeev, fisico ruso
- Vladimir Tsjagin, conductor de rally ruso
