Tarta Esterházy

De Biquipedia
Ir ta: navego, busca
Tarta Esterházy
Eszterházy Torte.JPG
Tarta Esterházy
Atras denominacions
Eszterházi torta, Esterházy-Torte
Orichen cheografico
Cocina: Gastronomía hongara y austriaca
Orichen: Flag of Hungary.svg Hongría y Flag of Austria.svg Austria
Se mincha en: Centroeuropa.
Categoría: Postres
Elaboración
Ingredients: Almendra, chicolate, uevo, zucre, mantequilla y farina

A tarta Esterházy (en hongaro Eszterházi torta y en alemán Esterházy-Torte) ye o nombre d'un pastel d'almendra y chicolate tipico d'a gastronomía d'Austria y Hongría. Debe o suyo nombre a o Conde Pál Antal Esterházy (1776-1866), un miembro d'a familia d'a nobleza hongara Esterházy y Menistro d'Exteriors d'o Imperio Austro-hongaro.

A tarta ye feita con una masa a base de claras de uevo a punto de nieu, almendras rallatas, zucre, mantequilla y farina. Con dita masa se forman cinco capas cerculars d'a mesmo gordaria. S'apuyalan as capas una dencima d'otra, deseparatas por un tipo de crema pastelera. En iste punto, se le da a o pastel un glaseato con una mezcla de claras de uevo, zucre y augua. Ta rematar, se dibuixa sobre o glaseato, con filos de chicolate negro, un disenyo caracteristico que remera una tiraraina y se chitan por dencima fruitos xutos picatos (como os d'o chelato crocanti).

Bi ha quantas variants d'a tarta Esterházy: por eixemplo, con quatre capas en cuentas de cinco, con replenata con quantos ingredients u con un alazet de galleta. A tarta ye especialment popular en Hongría y Austria, pero no ye raro trobar-la en Alemanya. Existen tamién porcions de tarta Esterházy d'una grandaria especial ta minchar como postre u acompanyar o café.

Se veiga tamién[editar | editar código]

Vinclos externos[editar | editar código]