Equus ferus
De Biquipedia
Este articlo ye escrito con un estilo, grafía, u soluzions idiomaticas (no dialeutals) que no se fan guaire con o contenito cheneral de Biquipedia, e per ixo un usuario capable el ye adotato esprés ta adobar-le ixas formas e reformular-lo, e la fayena de rebisión se troba encara en prozeso.
Ye posible que, per ixo, bi aiga lagunas de contenito u defizienzias de formato. Per fabor, d'antes que no te metas á fer-ie correzions mayors u reescrituras, contauta con él en a suya pachina d'usuario u la pachina de descusión de l'articlo ta poder-ne coordinar a redazión. Per ixe motibo, tampoco no ye guaire recomendable que, en estando l'articlo en fase de reforma, ne prengas garra espresión u soluzión lesica ta enriquir o tuyo bocabulario personal, u que las reproduzcas en altras pachinas de Biquipedia.
| Tarpan | ||||||||||||||||
|---|---|---|---|---|---|---|---|---|---|---|---|---|---|---|---|---|
| Estato de conserbazión | ||||||||||||||||
|
||||||||||||||||
| Clasificazión zentifica | ||||||||||||||||
|
||||||||||||||||
| Nomenclatura binomial | ||||||||||||||||
| Equus ferus | ||||||||||||||||
| Boddaert, 1785 |
Ista fuella ye escrita en tensino.
O tarpán (Equus ferus (Boddaert, 1785)) estió un caballo salbache d'Eurasia que ro suyo zaguero exemplar cautibo morió en 1875 en o zoolochico de Moscú, anque altras fuendes en han dito que poderba haber estato bibo bello altro dica 1918 u 1919 en Ucraína.
Ista espezie, que pró que á ormino a se considera l'antepasato d'os caballos domesticos, estió bien trecruzata con una bariedat polaca d'istos ta dar o konik, una raza de caballo más baixeta e chicorrona que se conserba autualment e que por ixo s'estarba emplegando, d'alcuerdo con bellos autors, ta reconstruyir una raza de caballos que amostrós as traças más dominants d'o tarpan.
Contenius |
[editar] Istoria
O tarpan o descrebió por a primera begata Johann Friedrich Gmelin en 1774, que en aberba bistos exemplars en 1769 en a rechión de Bobrovsk, á man de Voronezh. En o 1784 Pieter Boddaert clamó á ra espezie Equus ferus, basando-se en a descrizión de Gmelin. Sin de conoxer-nen cosa d'ixa descrizión prebia, Otto Antonius en espublicó ro nombre Equus gmelini en o 1912, talment referindo-se ta ras descrizions de Gmelin.
Autualment, una escoliacha de pensadors consideran que ro caballo domestico, o Equus caballus de Linneu, b'estarba ro deszendient direto d'o tarpan; De feito, prós taxonomistas os consideran a mesma espezie. Se se fós aplicazión correuta d'o Codico Internacional de Nomenclatura Zoologica, o tarpan aberba de ser clamato Equus caballus, e de pró más decir, si se considerós una sozespezie, Equus caballus ferus. Sin d'embargo, por un regular os biologos han innorato ixa norma e b'ha más tendéncia á emplegar E. ferus ta referir-se á ro tarpan e ta pribar de confusions con o suyo primo domestico.
[editar] Carauteristicas
Os tarpans se creye que no yeran guaire grandiachos, mesma meda que un poni más que no un caballo. Talment, con 130 u 140 cm d'alteros en a cruz. Teneban colors foscas, grisos por l'usual, con a capeza e ras patas más foscas encara. Diz que a crinera yera luenga e rezia, alzata por alto d'a frende de l'animal, pero más luenga que no en o suyo primo ro caballo de Przewalski asiatico.
Bellas razas de caballos autuals, d'aspeuto más de ponis que cualsiquier altra cosa, b'estan emplegando-se ta recuperar os rasgos d'o tarpán. Os fenotipos d'estos animals recuerdan de bellas trazas os tarpans antiguos, e allora anque no s'estós recuperato de raso l'aspeuto chenetico d'a espezie, se pretende de conseguir nuebo potriez cada begata más pareixitos á os antiguos caballos.
[editar] Se veiga tammien
[editar] Enrastres externos
Se beigan as imachens de Commons sobre o tarpan.- (en) Informacion e carauteristicas d'o tarpán
