Tarja Turunen

De Biquipedia
Ir ta: navego, busca
Tarja Turunen
Tarja Turunen en Buenos Aires
Tarja Turunen en Buenos Aires
Nombre {{{Nombre_de_naximiento}}}
Embotada {{{Alias}}}
Naixió {{{Naximiento}}}
Murió {{{Muerte}}}
Información musical
Orichen Flag of Finland.svg Kitee, Finlandia
Estilo Power metal sinfonico
Lied
Opera rock
Ocupancia {{{Ocupanzia}}}
Instrumentos {{{Estrumento}}}
Tiempo 1992 - ...
Discograficas {{{Discografica}}}
Relacionato con Nightwish
Pachina web www.tarjaturunen.com

Tarja Soile Susanna Turunen Cabuli ye una soprano lirico-dramatica naixita o 17 d'agosto de 1977 en Kitee (Finlandia) famosa por haber feito parti d'o grupo de metal sinfonico Nightwish que establió con os suyos companyers Tuomas Holopainen y Emppu Vuorien en 1996. Mientres l'anyo 2005, Tarja fue forachitata d'a colla por diferencias con a resta d'os suyos companyers, estando reemplazata en 2007 por a sueca Anette Olzon.

Biografía[editar | editar código]

Tarja prencipió a estudear musica a la edat de 6 anyos tanyendo o piano, en primeras solenca y a la edat de 15 anyos con o suyo mayestro particular. A la edat de 18 anys prencipió os suyos estudeyos superiors musicals de canto clasico en l'Academia Sibelius en la ciudat de Kuopio en Finlandia, concentrando-se en iste tipo d'arte. Astí tenió como companyero a Tuomas Holopainen qui la convidó a cantar en o prochecto que yera elaborando por ixas envueltas. Baixo o nombre de Nightwish presentoron una maqueta a la companyia finesa Spinefarm y graboron o primer disco titulato Angels Fall First, que produció un impacto inusitato en a scena metalera mundial. Iste impacto se magnificaría con a edición d'o segundo álbum, Oceanborn, en 1998, conventindo-se Nightwish en una d'as collas mas importants d'o power metal con cantaire femenina chunto con The Gathering y Theatre of Tragedy, y una influencia decisiva en bellas collas posteriors como Epica y Xandria. A la vegata, Tarja feba parti d'o coro d'o Savonlinna Opera Festival, interpretando temas de Richard Wagner y Giuseppe Verdi.

Gracias a o impacto causato, Tarja se convertió en a cara d'o grupo y apareixió en as portaladas d'as revistas metaleras mas prestichiosas de Noruega, Alemanya, Espanya, Brasil, Francia, Suecia, Belchica, Finladia y Archentina, entre atras: Scream Magazine, Revista Epopeya y Roadie Crew. Estió mas que mas en Finlandia a on que o suyo estatus d'estrela no s'aturó de creixer. Continó con Nightwish nueu anyos, pero paralelament continó tamién con os suyos estudeyos de canto y tenió oportunidat de realizar bellas actividatz en iste terreno especifico cantando opera, musica erudita y como solista de bells coros. A saber, en zaguerías de 1999, participó como cantaire solista en una producción de ballet moderno d'o Finnish National Opera House, titulata "The Evankeliumi"; a partir de 2001 integró os conciertos ditos "Nit Escandinava" en teatros de Chile y Archentina chunto a Ingvild Storhaug, Izumi Kawakatzu y Marjut Paavilainen; tamién estioron importants os conciertos con cantas de Nadal que en ixas calendatas ha ofreixito en as prencipals ciudatz d'Europa con repertorio de Sibelius, Bach y Mozart os zaguers anyos. Entre as participacions relativas a o rock y a o metal, destaca la d'o prochecto Beto Vázquez Infinity, álbum debut d'o baixista archentín Beto Vázquez, que tenió gran repercusión internacional, la d'o single d'o cantanire y guitarrista alemán Martin Kesici titulato "Leaving You For Me"', y la d'o disco d'o suyo chirmán Timo Turunen.

En primerías de 2000 Nightwish participó en a clasificación finlandesa d'o Festival d'Eurovisión, obtenindo o segundo puesto con o tema "Sleepwalker" y un important refirme d'o publico.

Chunto con a Nightwish, seguiría treballando en a elaboración d'o disco Wishmaster (2000). Gracias a iste disco, Nightwish se tornó a colocar con gran exito en o mercato discografico, fendo chiras por Europa, America Latina, Estatos Unitos y Canadá.

O 22 d'octubre de 2005 deixó Nightwish y prencipió a suya carrera en solitario.

Vinclos externos[editar | editar código]