Tamerlán

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000
Tamerlán
تیمور
Emir de Transoxiana


1370-1405
Predecesor Amir Husayn
Succesor Khalil Sultan

Coronación 1370, Balkh
Nombre real Timur Lang
Naixencia 6 d'abril de 1336
Shahrisabz, Uzbekistán
Muerte 19 de febrero de 1405
Otrar, Sir Daria
Dinastía Dinastía Timurida
Pai Muhammad Taraghay
Mai Tekina Mohbegim

Tamerlán u Timur Lang ("Timur o coixo") naixió o 6 d'abril de 1336 en Shahrisabz y morió o 19 de febrero de 1405 en Otrar, Sir Daria. Yera intelichent, un chenio militar y encara que yera analfabeto, teneba cultura. Tamerlán superó a los mongols en l'agresividat d'a suya politica expansiva. Consiguió creyar un imperio con una extensión en part coincident con a Persia Aquemenida. Conquirió Khorezm, Corastén, Irán, Irak, Punchab. As ciudaz que atacaba teneban dos alternativas, u se rendiban sin resistencia u feba una grant mortalera con os suyos habitants, feito que esdevenió en Herat, Siraf, Ispahán, Sarai, Delhi y Bagdad. Países que no ocupó pero contra os que luitó y que devastó en part estioron Mongolistán, Khanato d'a Horda d'Oro, Soldanato de Delhi, Siria y o naixient Imperio Otomán.

Dimpués d'haber servito a lo gobernador de Transoxiana decidió no obedeixer a dengún y reunió bels clans nomadas pretendendo estar defensor d'os transoxians debant d'os barbaros de Mongolistán. En 1370 ya teneba o total control de Transoxiana, con Sarmagant como capital, y dica 1405 o suyo estato estió siempre en guerra, cuasi siempre guerras expansivas con devastacions cruels.

En 1379 s'anexionó Khorezm, y cuan os de Khorezm refirmoron a Toktamish, khan d'a Horda d'Oro, Tamerlán ordenó en 1388 arrasar a ciudat de Urgench, sembrar-ie hordio dimpués, y deportar a toz os suyos habitants ta Transoxiana. Tamerlán teneba respeto a los Chatagai de Mongolistán y reconoixeba la suya autoridat nominal porque os chatagais teneban a lechitimidat de descender de Chinguis Can. Manimenos os chatagais no reconoixeban l'autoridat de Tamerlán y lis ninvió hueito expedicions militars dende 1371 a 1400 no consiguió vencer-los.

Estió a suya muerte qui impidió que encomenzase a invasión de China.

Ye mencionato en as "Cronicas d'os Chudeces" de Teruel:

anno Mº ccccja Don García Esteuan; fueron grandes mortandades. ¬ ujno hun princep de leuant, ¬ entro en la ciudat de Domas por fuerza, al qual dicien el Taborlá, al jas del rey tamor de Bretaya ¬ ropola ¬ la destruyó; en esy anyo caso dona Blanca/ de Nauarra con do Martin Rey de Cecilla primo/genyto de Aragon.
226. anno M° ccccijb Don Pero Sánchez Serano; el Taborlá ujnció al Morant, ¬ tomolo preso ¬ leuoselo con sy ¬ mato xxv Mil moros 7 tornóse en su tierra.

Bibliografía[editar | modificar o codigo]

Vinclos externos[editar | modificar o codigo]