Taifa d'Albarrazín
De Biquipedia
La Taifa d'Albarrazín u Reino d'Albarrazín estió una chicota taifa independient entre los sieglos IX e XII
Dende la suya independenzia de lo Califato de Cordoba en 1012 fue gubernata por los Banu Razín, familia berber que yera establita en la Sierra d'Albarrazín
Lo territorio de la taifa yera chicot, situato entre lo curso alto de lo Guadalabiar, á on yera la suya capital Albarrazín, lo curso alto de lo Xiloca e tota la compleganza de lo río Alfambra.
La independenzia de la taifa remató con la plegata de los almorabez. Cuan los almorabez perdioron poder, la zona la se disputaban reis taifas de Murzia e Balenzia dica que en 1147 Albarrazín quedó en poder de lo Rei Lop, como tot lo Lebant musulmán ispán.
Se crei que en ixas embueltas de los musulmans la Sierra d'Albarrazín no teneba tantas aldeyas como en lo periodo cristián, e chunto con la ziudat u medina d'Albarrazín bi eba un poblamiento rural basato en alcareyas en güertas abitatas por comunidaz poco lumerosas protechitas por bellas torres.
Lo Siñor d'Estella Pero Ruíz d'Azagra, aliato de lo Rei Lop se fazió con lo poder de Santa María de Aben Razín u Señoría d'Albarrazín comprando-la u rezibindo-la á cambeyo de los suyos serbizios enta 1170.
