Tabla de surf

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un surfero con a suya tabla.

Una tabla de surf ye una plataforma luenga que se fa servir ta practicar o esporte d'o surf. Por un regular son licheras, pero prou fuertes como ta soportar a una persona de piet surfeando por dencima d'as ondas marinas. S'inventoron en Hawaii, a on se deciban papa he‘e nalu en o idioma hawaiiano y yeran feitas por un regular de fusta d'árbols locals, como a koa, con largarias de dica 5 m.[1][2] En os zaguers anyos ha habito muitos abances en as tablas de surf como as aletas, una u mas, que gosan adhibir-se en a parti zaguera ta mirar de proporcionar estabilidat direccional, y numerosas milloras en forma y materials.

As tablas de surf modernas se fan de materials como o poliuretano u o polistireno cubiertos con capas de fibra de vidre, teixitos y poliester u resina epoxi. O resultato ye una tabla de surf lichera y fuerte, pero que ye a la vegada manullable. Os desenvoliques tecnolochicos mas modernos incluyen a fibra de carbón en a construcción de tablas de surf. As longboards, como diz o suyo nombre en anglés son mas grans (2,4 m u mas), y tamién son mas gordas y amplas, con a prova mas redonda que as que as shortboards, lo que fa que tiengan mas flotabilidat y sían mas estables. As shortboards, en anglés tablas curtas, son mas estreitas y o suyo extremo remata mas en punta, lo que las fa una mica mas manullables.

Referencias[editar | modificar o codigo]