Svante Pääbo

De Biquipedia
Ir ta: navego, busca
Svante Pääbo
Plos paabo.jpg
Información personal
Calendata de naixencia: 20 d'abril de 1955
Puesto de naixencia: Estocolmo, Flag of Sweden.svg Suecia
Ocupación: Biologo chenetista

Svante Pääbo (Estocolmo, 20 d'abril de 1955) ye un biologo sueco, especialista en chenetica evolutiva. Naixió en 1955 en Estocolmo y obtenió lo suyo doctorato en a Universidat d'Uppsala en 1986. Dende 1997, ye o director d'o Departamento de Chenetica d'o Instituto Max Planck d'Antropolochía Evolutiva en Leipzig (Alemanya).

Treballo[editar | editar código]

En agosto de 2002, un equipe dirichito por Pääbo expublicó una serie de descobrimientos sobre o «chen d'o lenguache», FoxP2, que ye absent u se troba malmeso en bellas personas con discapacidatz fonoaudiolochicas.

Pääbo ye considerato un d'os fundadors d'a paleochenetica humana, sciencia que fa servir os metodos d'a chenetica ta estudiar á os primers humans y atras poblacions de l'Antiguedat. En 2006, anunció un plan ta reconstruyir o chenoma completo de l'hombre de Neandertal. En 2007, a revista TIME el nombró una d'as 100 personas más influideras d'ixe anyo.

En febrero de 2009, en a reunión anyal de l'American Association for the Advancement of Science (AAAS), se i anunció que o Instituto Max Planck d'Antropologia Evolutiva, en colaboracion con a corporacion 454 Life Sciences, heba puesto enamplar o borrador d'a primera versión d'o chenoma d'o Neandertal, con más de 3 billons de parellas de bases seqüenciatas, prochecto que heba gosato encabezar Svante Pääbo.

En marzo de 2010, Pääbo y os suyos companyers publicoron un informe sobre l'analís de l'ADN d'un ueso de dido trobato en as esplugas de Denisova, en Siberia, que os suyos resultatos sucheriban que pertenixeba á un miembro auxidito d'o chenero Homo encara no reconoxito y balptizato como hominido de Denisova.

Premios y reconoiximientos[editar | editar código]

En 1992, recibió lo premio Gottfried Wilhelm Leibniz d'a Deutsche Forschungsgemeinschaft, que ye lo más gran honor concedito á investigadors y scientificos en Alemanya. Pääbo fue esleyito miembro d'a Reyal Academia d'as Sciencias de Suecia en 2000.

En octubre de 2009, a Foundation For the Future entregó á Pääbo lo Premio Kistler por o suyo treballo en a extracción y seqüenciación d'ADNs antiguos.

Vinclos externos[editar | editar código]