Suebia

mugas actuals de Suebia dentro d'Alemanya

Alemanya, amostrando mugas actuals. L'azul representa o estato de Baden-Württemberg, y Württemberg (a metat oriental) ye por un regular considerata part de Suebia. A l'este de Baden-Württemberg ye o estato de Bavera, con a rechión adninistrativa de Suebia Baverana en rosa.

Suebia u Suabia (Schwaben u Schwabenland en alemán ye una rechión historica, cultural y lingüistica d'Alemanya.

A l'egual que se desvién en muitas rechions culturals d'Europa as suyas mugas no son definitas clarament. Manimenos por un regular se considera que Suabia ye formata por Württemberg (incluindo Hohenzollerische Lande), y a rechión administrativa dita Suebia dentro de l'actual Bavera.

En a Edat Meya o termin Suebia indicaba un aria més gran, cubrindo totas as tierras asociatas a los alamans u que constituyoron o Ducato de Suebia: incluiba Baden, Vorarlberg, l'actual prencipato de Liechtenstein, a més gran part d'a Suiza alemana yAlsacia.

Toponimia

Suebia prene nombre d'os suebos, un d'os principals pueblos chermanicos d'a confederación d'os alamans, que ocuporon Agri Decumates y dimpués as marguins d'os ríos Danubio y Rin d'o Imperio Román d'Occident a cantos d'Agri Decumates.

A forma Suebia se troba en a traducción aragonesa de "Breviarium ab Urbe condita", que incluye a "Historia Romana" y "Historia Gentis Langobardorum" de Pavlo Diacono.

la segu(n)da prouincia de ytalia es luguria asi nombrada car en aq(ue)sta crexe muchos legums la qual conten milan et ticino aq(ue)sto es papia et algunas otras Ciudades enlas encontradas delos gallos entre aq(ue)sta et sueuia la qual (la qual) es patria delos alamans ues trasmontana posadas estan dos prouincias ac[']o es Recia primera Recia segu(n)da Entre las alpes en las quales propiament abitan los Retos.