Srivichaya

Srivichaya estió una important ciudat portuaria comercial que i habió en l'actual Palembang (Sumatra) con una important Talasocracia.

Debió a suya importancia y poder a que os malayos ubrioron un itinerario comercial maritimo entre China y A India sustituindo a la ruta terrestre de l'Itsmo de Kra. Srivichaya estió un puerto freqüentato por navilios chavaneses, chinos, indians, arabes, persas, ecetra...

A organización politica imitaba modelos indios, con un Maja Rachá como sobirán. Srivichaya estió un centro budista.

Srivichaya tenió una politica expansiva. Prebaba de controlar os territorios d'arredol, (Sumatra, Peninsula de Malaca, ueste de Chava), u a lo menos as zonas litorals. Dende o sieglo VII a ciudat de Malayu, tamién en Sumatra dependeba de Srivichaya.

A dinastía tamil Chola atacó Srivichaya con a suya marina en 1025, encomenzando una lenta decadencia, y ye sustituita por o Reino de Majapahit en o dominio d'o comercio maritimo. A fins d'o sieglo XIV a ciudat quasi ye destruita por os chavaneses de Majapahit, y bells supervivients se refuchian en Malaca, alavez un lugar de pescataires. Un d'estos refuchiatos ye o prencipe Paramesvara, arribato en Malaca en 1402, que se convierte a lo islam pa millorar as relacions con os sumatrans d'o norte, creya o Soldanato de Malaca. Malaca esdevién un emporio comercial como enantes Srivichaya.