Soldau de chuguet

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Un soldau de chuguet ye una figura en miniatura, feita en plastico, goma u metal, y que representa a un soldau. As primeras figuras se feban en plomo y teneba como funcionalidat a chugarrina d'os borches.

Historia[editar | modificar o codigo]

Dica os anyos 1950 as figuras se feban d'este material y se vendaban pintadas y decoradas, cheneralment presentadas en caixas bien decoradas. Ta part d'alavez, no podeban comprar estas figuras todas as familias por lo que a mayoría de os borches chugaban con soldaus de papel u fusta.

As figuras se feban en escala 1/32 u 1/35.

L'aparición d'a goma y dimpués o plastico acotoloron o mercau de figuras de plomo, pero aconsiguioron a democratización d'este chuguet. Mientres os anyos 1950 marcas como Reamsa, Jecsan, Pech Hermanos u Teixidor, empecipioron a fer figuras en gomas, que vendeban tamién decoradas y en caixas. Esta epoca coincidiban con a edat d'oro d'o cine, y as marcas feban reproduccions d'as figuras d'as cintas, asinas marcas como REAMSA en Barcelona fación, chuegos de O Cit Campiador, a policía montada de Canadá, as clicas de Ben Yuçuf, indios y vaquers, Guillén Tell, turcos y arabes de Lawrence d'Arabia, mesmo fación a reproducción d'a batalla d'os setios de Zaragoza con una caixa adedicada a Agustina d'Aragón con o canyón y os defensors. Estió a marca con más referencias y a suya producción duró dende 1951 dica 1978. Muitas familias de Barcelona se ganaban a vida decorando a man as figuras de Reamsa.

En os anyos 1960 con o plastico, fación creixer a requesta, marcas como Pech y Jecsan facioron figuras de soldaus d'a Segunda Guerra Mundial y as guerras d'independencia d'EEUU y prou que coleccions d'indios y vaquers. Más que más cal destacar Pech Hermanos, que creyó un conchunto de figuras de l'exercito espanyol desfilando que estioron a delicia d'os borches d'os anyos 1960, asinas en i heba mariners, guardias civils, paracaidistas, policía armada, regulars, moros, infantería, aviación y esquiadors.

A marca Teixidor tamién de Barcelona, destacó por reproduccions de l'exercito espanyol, destacando a suya colección de motocicletas.

A facilidat de producción d'as figuras d'o plastico animó a atras marcas, como Comansi, que empecipió a fer figuras más tabornizas y una mica más grans que no tenioron guaire exito en comparanza con as marcas d'a competencia.

Esta facilidat cambió tamién a tendencia d'a escala de fabricación y en estas anyadas marcas como Eko, Rocoo y Montaplex empecipan a fer figuras de soldaus de plastico en escala 1/72 u OH (1/87) que yeran compatibles entre si y con as figuras d'o modelismo ferroviario. Si en as anyadas 1960 se podeba fer una reproducción d'una pelicula u mesmo una chicota batalla achuntando as figuras de cuantos borches, en anyos 1970, con esta escala permitiban en poco espacio y por muitos menos diners fer verdaderas batallas. Por ixo, toz es borches acababan por cambiar d'escala malas que teneban esta posibilidat.

En zaguerías dós anyos 1970 marcan unatra tendencia, si dica agora os soldaus de chuguet yeran chuguetz y serviban ta la chugarrina d'a mainada, dende agora amaneixen figuras en plastico duro ta montar y tamién flexible con mayor detalle y enfocadas a os coleccionistas grans y no pas ta o chuego. Este periodo ye caracterizau por marcas como Airfix que abarca más que más a Segunda Guerra Mundial y as Guerras napoleonicas. Tamién cal destacar a marca chaponesa Tamiya de gran detalle y alto coste centrada en a Segunda Guerra Mundial. En este periodo conviven as dos escalas (1/72 y 1/32) y as dos tendencias, o chuguet y o modelismo.

Estes zaguers son de desarrollo más recient y son ditas figuras modelo ta distinguir-las d'os soldaus de chuguet tradicionals. Con tot y con ixo, as figuras de goma y plastico d'as anyadas 1950 y 1960 hue tienen una gran demanda entre o coleccionismo y o miniaturismo.

A decada d'os anyos 1980 seguindo esta tendencia recuperoron as figuras de plomo enfocadas a coleccionistas y editadas por marcas comercials a través de fasciculos semanals, como Ediciones Altaya^[1]

Dende os anyos 1990 bi ha gran diversidat de marcas, periodos y escalas, mesmo s'ha ubierto camín a escala intermedia, 1/48, pero siempre enfocadas a o coleccionismo, perdendo o soldau de chuguet a suya funcionalidat de chugarrina ta convertirse en obchecto de colección. Destacar a marca Boom de Barcelona que per primera vegada, fa reproduccions a escala de soldaus y armamento d'a guerra civil espanyola y a guerra de Cuba.

En Aragón, o Museu de Minaturas Militars de Chaca acubilla una ampla colección de soldaus a escala 1/72 fendo reproduccions de diversos periodos historicos. Tamién pachinas web ^[2] s'han dedicau a visualizar este patrimonio que forma parte d'a historia y d'a vida social d'a nuestra epoca.