Sobradiel

Sobradiel
Municipio d'Aragón
Entidat  • País  • Provincia  • Comarca	Municipio Aragón  Zaragoza Ribera Alta de l'Ebro
Superficie	11,98 km²
Población  • Total	903 hab. (2007)
Altaria	213 m.
Distancia  • 15 km	enta Zaragoza
Codigo postal	50629
Ríos	Ebro
Coordenatas	41°44’20’’N 1° 2’16’’U
Sobradiel Situación de Sobradiel en Aragón
www.sobradiel.net

Sobradiel ye un municipio d'a provincia de Zaragoza, situato en a comarca d'a Ribera Alta de l'Ebro. A suya población ye de 903 habitants (2007), en una superficie de 11,98 km² y una densidat de población de 75,37 hab/km².

En o suyo termin municipal ye l'antigo despoblato de Candespina, amanato a Lo Castellar.

Cheografía

Ye situato en depositos quaternarios d'o río Ebro.

Nombre

O nombre se remontaría a o latín SUPRATELLU, deribato de SUPERATUM seguntes Ramón Menéndez Pidal. En galaicoportugués y asturlionés significa granero. Sindembargo Juan A. Frago Gracia lo explica como SUBPRATELLUM, baixo o prato chicot.

N'i ha muitas variants en o rechistro meyeval; formas d'o nombre que veyemos en os textos meyevals, latins u romanzes son:

• Supratiel, Supratel, Supratella, Supradiel, Sobratel, Sobradel, Sopratiell, Sopratello, Sopratella y Sopradiall.

A forma actual tien as oclusivas xordas intervocalicas latinas sonorizatas, d'alcuerdo con un proceso que empecipió ya en o sieglo XII y que continó con a castellanización, y a evolución d'o sufixo -ELLU > -iel, seguntes una tendencia fonetica mozarabe que tamién se trobaba un poquet en l'aragonés meyeval, pero que no ha conseguito sustituir a terminación -iello de l'aragonés actual.

No ye de descartar que o toponimo tienga relación con a Pratiella d'Ebro auguas entalto d'o río Ebro.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Aragonés								5	6
Partido de los Socialistas de Aragón								2	1
Total								7	7

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	Antonio García Buil	Partido Aragonés
2007–2011	Jaime Izaguerri Aznar	Partido Aragonés
2011–2015	Jaime Izaguerri Aznar	Partido Aragonés

Molimentos

• Ilesia parroquial de Sant Chaime, d'estilo barroco d'o sieglo XVIII.
• Palacio d'os contes de Sobradiel, d'o sieglo XIX, contruito sobre l'anterior palacio, que yera construito sobre l'antigo castiello que bi habió.

Fiestas

• Sant Marcos, 24 d'abril.
• Sant Antón, 13-15 de chunio.

Vinclos externos

• www.sobradiel.net, web d'o ayuntamiento.
• www.sobradiel.org