Sistema integumentario

De Biquipedia
Ir ta: navego, busca
Piel d'un brazo a on que se veye una encarnadura.

O sistema integumentario u de cobertor d'un animal ye constituito por a piel y atras estructuras derivatas como lo pelo, as escratas, as unglas y as glandulas sudoriparas.[1]

A epidermis d'a piel ye formata fundamentalment por celulas de queratina estratificatas en cinco napas: o estrato basal (que se transforma por queratinización), o estrato espinoso, o estrato granuloso, o estrato lucido (con propiedatz hidrofugas) y o estrato cornio superficial, que tien celulas muertas que se desprenden.

Os pelos y as unglas creixen por acumulación de celulas de queratina en zonas d'a epidermis ditas respectivament foliclos pilosos y matrices unguials. A dermis d'a piel tien una napa con papilas y una napa reticular más funda con fibroblastos que sintetizan colachén y elastina que dan resistencia y elasticidat. Amás se troban musclos voluntarios y involuntarios.

As glandulas sudoriparas secretan sudor,[2] as sebacias, sebo y as ceruminosas, a cera d'as orellas.

Referencias[editar | editar código]

  1. (en) "Sistema integumentario" en National Library of Medicine - Medical Subject Headings.
  2. G. Edgar Folk Jr. i A. Semken Jr. (1991). "The evolution of sweat glands". Int. J. of Biometeorology 35: 180-186. DOI:10.1007/BF01049065.