Siracusa

De Biquipedia

Siracusa
Ambista de Siracusa
Nombre ofizial	Siracusa
Estato	Italia
Rechión	Sezilia
Probinzia	Siracusa
{{{tpmonezipio}}}	{{{monezipio}}}
Codigo postal	96100
Superfizie	204,08 km²
Altaria	17 m.
Distanzia	{{{distanzia}}} km á [[{{{ta}}}]]
Poblazión	123.494 ab. (2007)
Densidá	605,12 ab./km²
Chentilizio	{{{chentilizio}}}
Ríos	{{{ríos}}}
Pachina web	www.Comune.Siracusa.it

Siracusa (Sarausa en sezilián) ye una comuna italiana, capital d'a probinzia de Siracusa, en a zona suroriental d'a isla y rechión de Sezilia, á cantos d'o mar Mediterranio.

Tien una superfizie de 204,08 km² y una poblazión de 123.494 abitants en 2007, con una densidat de poblazión de 605,12 ab/km².

O suyo termín monezipal muga con os termíns d'Avola, Canicattini Bagni, Floridia, Melilli, Noto, Palazzolo Acreide, Priolo Gargallo y Solarino.

A UNESCO declaró Patrimonio d'a Umanidat o zentro de Siracusa e la necropolis rocosa de Pantalica en 2005.

[editar] Toponimia

En a epoca d'influyenzia d'a Corona d'Aragón se clamaba Zaragoza de Sicilia por etimolochías populars.

[editar] Istoria

A ziudat de Siracusa la fundoron chens prozedents d'a ziudat grieca de Corinto en o sieglo VIII aC, formando asinas parte d'a Magna Grezia. Yera a segunda colonia griega en Sezilia, dimpués de Naxos. Pronto a ziudat inizió una espansión, fundando ella tamién colonias amanatas á Siracusa.

En o suyo periodo de mayor esplendor, Siracusa estió baxo o dominio d'os Tirans de Siracusa, dica a suya conquiesta por l'Antiga Roma, en 212 aC.

Dimpués d'a caida de l'Imperio román, Siracusa, chunto con toda Sezilia, la dominoron os ostrogotos, dica a suya conquiesta por Belisario, o 31 d'abiento de 535; en o sieglo IX la conquerioron os arabes, en 878.

Fue recoquerita en 1038 por o cheneral bizantín Chorche Manizes y perdita de nuebo en 1043. En 1085 la conquirió Roberto Guiscardo, y en 1194, Enrique VI d'o Sacro Imperio Román Chermanico, ta ser encorporata á lo Reino de Nápols.

En o sieglo XIII, Siracusa estió aliata á la Corona d'Aragón ta la conquiesta de Sezilia, y os reis d'Aragón le conzedioron por iste motibo prebilechios.

A ziudat padexió tierratremos en 1543 y 1693, y una plaga en 1729. Estió reconstruyita seguntes o barroco seziliano.

Una epidemia de colera en 1837 probocó una sublebazión contra os Borbons que ocupaban o Reino de Nápols, y Siracusa perdió a seu d'a capitalidat d'a suya probinzia, tresladata ta Noto; recuperó a capitalidat en 1865, dimpués d'a Unificazión d'Italia.

En 1943, en a Operazión Husky, en a Segunda Guerra Mundial, bombardeyoron Siracusa tanto as tropas d'os Aliatos como as d'o Terzer Reich.

[editar] Enrastres esternos

Se beigan as imachens de Commons sobre Syracuse.