Sinyoría de Villena

De Biquipedia
Ir ta: navego, busca
Escuto d'Armas de los Manuel.
Territorio d'a Senyoría de Villena en 1340.

La base territorial de la senyoría de Villena se extendilló por una amplisma comarca mugata a lo norte por l'alfoz de la ciudat de Cuenca y a lo sud por o termin de la ciudad de Murcia. Este territorio s'estructuró sobre tot, en dos centros politicos: la Tierra d'Alarcón, a lo norte, y la Tierra de Chinchiella, a lo sud. Y, arredol d'ellos, s'aplegoron atras villas con termins més reducitos, entre ellas, Iniesta, la Tierra d'Exorquera, Hellín, Tobarra, Almansa, Yecla, Xaix y Villena, que, a tamas de dar-li nombre a la senyoría, ocupo una situación periferica respecto a tot o conchunto. La senyoria experimento con lo tiempo cambeyos a causa de l'anexión temporal de bella población d'amán, como Villarrobledo, Lezuza, Munera, Chumiella u Utiel en lo sieglo XV, u tamién las perdugas de bellas villas.

Este conchunto senyorial tien un doble orichen historico, por un costato las poblacions de la Tierra d'Exorquera, Hellín, Ves, Tobarra, Almansa, Yecla, Xax y Villena, heba pertenexito a lo infant don Manuel en lo sieglo XIII, unito a atras villas alicantinas. Por ixo, s'encomenzó a denominar Tierra de don Manuel. Por lo contrario, lo sector norte, la Tierra d'Alarcón y Iniesta, perteneixió a lo reyalenco mientres los sieglos XII y XIII, quan don Juan Manuel lo adhibió a la senyoría de Villena.

Formación[editar | editar código]

En 1252, quan Alifonso X esdevién rei de Castiella, don Manuel, chirmán d'Alfonso X, fegurara a sobén entre los suyos consellers, como confirmant de documentos reyals. Alfonso lo armará caballero, enta 1254, y d'astí enta debant tendrá oficios y cargos de la casa reyal. Quan fue nombrato alférez de lo rey, sirvió tamién a lo suyo chermán como embaixador debant lo Papa, con lo que aproveitó pa conseguir l'amistat de la poderosa Orden de Sant Chaime y prebó de favoreixer pa que Alifonso X fuese esleito emperador d'o Sacro Imperio Román-Chermanico y malmeter con exito los plans que teneba Ricardo de Cornualla ta esdevenir emperador. En chinero de 1261, lo infant don Manuel y la suya muller, Gostanza, s'apuntoron como familiars a la Orden de Sant Chaime, prometendo aduyar a ésta e a lo suyo mayestre Pelayo Pérez, y fer-sen apedecar ellos y lurs descendients en lo convento d'Uclés, on mandoron fer una capiella. Probablement esta amistat con lo mayestre Pelayo Pérez Correa, unita a los suyos servicios a la Corona, li valese a posesión d'Elch, Crevillent, Asp y la val d'Elda, en o Reino de Murcia, ocupato quinze anyatas enantes, pero no poblato pon por cristians, que li fuoron reconoixitos por o rei en 1262, y que dende astí enta debant esdevinioron o nuclio més fuerte d'as suyas posesions, que yeran ixemenatas. Bellas refencias endican que Elda ya li perteneixeba d'enantes.

O feito ye que dende 1262 por o menos don Manuel ye sinyor de pleno dreito d'Elch, Crevillent, Asp y tota a val d'Elda; y adelantado d'o Reino de Murcia, a més. Ixe mesmo anyo, quan delimitaban o bispato de Cartachena se menciona:

Petrel e Sax e Villena e la tierra de don Manuel nuestro hermano como parte con la tierra del rey de Aragón, e Val de Ayora fasta Confruentes

A manca de documentación no mos permite precisar as condicions en as que se produció a entrega de don Manuel d'as suyas primeras senyorías murcianas. No ye improbable que, como suchieren bells historiadors, a mercé tenese un caracter d' apanage (terminolochía francesa) u infantado (terminolochía castellana) seguntes o uso alavez muito común en as cortz europeas, ye dicir, un dominio confiato a un miembro d'a familia reyal, con excepcionals facultatz, que dimpués heba de adhibir-se de nuevo a la corona si no i hese un ereu varón. Esta donación no comportaba a sobiranía, pero si una ampla churisdicción, y Manuel debió abusar-ne, rodeyando-se d'un cerimonial pareixito a lo d'os reis, exercindo un poder omnimodo en o cobro de tributos y repartindo heredatz entre vasallos.