Sinyoría d'Albarrazín

De Biquipedia
Ir ta: navego, busca
Sancta Maria de Alberracin
Senyoría d'Albarrazín
Flag of Almohad Dynasty.svg 1170 — 1379 Siñal d'Aragón.svg
Capital Albarrazín
Idioma oficial
 • Atros idiomas
Latín
Aragonés
Relichión Cristiana
Gubierno Senyoría
Vasallo de Santa María y Sinyor d'Albarracín
 • 1170

Pero Ruíz d'Azagra
Periodo historico Edat Meya
 • Lo Rei Lupo cede Albarrazín a Pero Ruíz d'Azagra? 1170
 • Ocupación aragonesa 1379

La Senyoría d'Albarrazín estió un estato cristián gobernato por la Casa d'Azagra que se desembolicó en l'anterior Taifa d'Albarrazín y que se disputaban Castiella y Aragón quan la Reconquiesta yera prou abanzata, incorporando-se a Aragón en lo sieglo XIII y sieglo XIV.

Historia[editar | editar código]

Lo Sinyor d'Estella Pero Ruíz d'Azagra, aliato de lo Rei Lop se fació con lo poder de Santa María de Aben Razín u Senyoría d'Albarrazín comprando-la u recibindo-la a cambeyo de los suyos servicios enta 1170. Pero Ruíz d'Azagra trayó con ell bells repobladors de Navarra y la Riocha que esdevenirían una baixa nobleza propietaria.

En 1172 se creyó lo Bispato d'Albarrazín, dependient de l'Arcebispe de Toledo. La creyación d'ixe bispato, en contra de los intreses de lo bispato de Zaragoza aturó que la senyoría d'Albarrazín s'adhibise a Aragón, y favoreixió los intreses de la dinastía local de los Azagra, que quereban mantener-sen como sinyors independients. D'ixa traza la Senyoría d'Albarrazín no s'incorporó a lo reino de Navarra y estió dimpués un estato chicot entre Castiella y Aragón, con un dificil equilibrio cheopolitico.

Lo proceso de colonización feudal tendió a chenerar aldeyas agrupatas d'inmigrants que s'establiban y seleccionaban los espacios agrarios més amplos, deixando los atros como explotacions perifericas u puestos abandonatos. On millor se vei esto ye en Royuela. Los Azagra creyoron un concello que controlaba a ixas aldeyas y permitiba que las aldeyas ofreixesen una caballería villana. La caballería villana y la baixa nobleza yeran os vasallos directos de los Azagra. Los Azagra teneban amás relacions con los monches de la Orden de Cistels de Piedra y con la Orden de Sant Chaime (por ixo bi ha una ilesia de Sant Chaime en Albarrazín).

La Casa d'Azagra entroncó con la Casa de Lara con lo matromonio de Teresa Álvarez de Azagra y Chuan Núñez de Lara. Lo succesor de Chuan Núñez de Lara iba a estar lo suyo fillo Álvar, que no gobernó porque lo rei Pero lo Gran invadió la senyoría, venció a Chuan Núñez de Lara en la batalla de lo setio d'Albarrazín y lo desposeyó en 1283. Pero III adhibió la senyoría a lo Reino d'Aragón y li'n donó a lo suyo fillo borde que heba tenito con donya Inés Zapata. La comarca d'Albarrazín estió la zaguera en adhibir-se a Aragón, pero la conquista de Pero III no estió definitiba. Pero III reorganizó la senyoría, dió lo títol de ciudat a Albarrazín, que dica ixe inte yera villa y las aldeyas formoron la Comunidat d'Albarrazín.

Chaime II, reconoixió la inchusticia d'este feito y lo tornó a Juan de Lara, fillo de lo sinyor desposeito, en 1248, pero como yera aliato de los Cerdas y de lo virrei de Navarra, Chaime lo tornó a desposeyer. Alifonso IV regalará Albarrazín en 1344 a lo suyo fillo Ferrando, qui lo tenió por 29 anyatas. La senyoría d'Albarrazín s'adhibió a lo reino d'Aragón en 1379 ya pa cutio quan Pero IV ordenó la muerte de Ferrando.