Sincope (musica)

De Biquipedia
Ir ta: navego, busca

Una sincope u sincopa (d'o latín syncŏpe) ye, en musica, o efecto produeito por a prolongación d'o sonito d'una nota situata en a parti débil u semifuerte d'un compás sobre una atra d'intensidat igual u mayor.

Escritura[editar | editar código]

Una sincope puet estar interpretata de diferents maneras, y sonar de manera diferent seguntes como ye escrita y seguntes o instrumento que la executa.

  • Puet estar escrita emplegando feguras que transcienden sobre a parti fuerte d'a frase:
Sincope escrita sin de silencios ni ligaduras
  • Puet estar escrita con silencios; en caso que o instrumento que executa o ritmo no produzca sonitos prolongatos, se sentirá o mesmo que escrito con feguras:
Sincope escrita con silencios
  • En caso que o instrumento no produzca sonitos prolongatos, s'obtendrá o mesmo ritmo executando a sincope escrita con ligaduras:
Sincope escrita con ligaduras
  • Puet estar escrita con feguras diferents de negra y corchea, como semicorchea, fusa, feguras de valors irregulars (tresiello, cinquiello, sietiello), y no necesariament prolongar a durada d'o suyo sonito sobre o tiempo fuerte d'o compás. Una d'as formas más comuns de creyar una sincope en istos casos ye silenciar a resolución en tiempos d'un conchunto de feguras:
Sincope con corcheas y semicorcheas ligatas

Emplego en a musica[editar | editar código]

A sincope s'emplega ocasionalment en muitos cheners musicals, y fa parti fundamental d'o ritmo en estilos como lo jazz y a musica afro-americana. Fa tamién parti d'a mayoría d'a musica contemporania, a sobén interpretata por meyo de l'acentugación d'o segundo tiempo (y quatreno, si o compás ye de quatre tiempos) en instrumentos de base ritmica u armonica (por eixemplo lo baixo u a batería).

Ye muit important no confundir a sincope musical con a sincope, fegura literaria en que se suprimen sonitos d'as parolas.