Simeón Serrate Mayoral

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Simeón Serrate Mayoral
Información personal
Nombre Simeón Serrate Mayoral
Embotada {{{Alias}}}
Naixió 2 de chulio de 1913, Castillón de Monegros, Aragón
Murió 10 de chinero de 2011, Zaragoza, Aragón
Información musical
Orichen {{{Orichen}}}
Estilo Folk
Ocupancia {{{Ocupancia}}}
Instrumentos Gaita de boto y voz
Tiempo
Discograficas
Relacionau con {{{Artistas_relacionaus}}}
Pachina web

Simeón Serrate Mayoral (Castillón de Monegros, 2 de chulio de 1913 - Zaragoza, 10 de chinero de 2011[1])

Fillo de Tomás Serrate y de María Mayoral, estió o mayor de doce chirmans. Fue ta a escuela nomas dende os 6 anyos dica os 9 cuan prencipió a traballar como rabadán. Dende bien choven prencipió a cantar y danzar en o grupo de dance de Castillón de Monegros, o suyo lugar. Dende chicorron Simeón heba sentiu a gaita y os romances, pues su pai estió gaitero. En os suyos tiempos de pastor tanyeba un clarín que l'heba aduyato a fabricar Senén Pueyo, tamién gaitero d'o dance. En l'anyo 1936 habió de marchar d'o lugar ta ir a combatir ta o frent, primero con o bando republicano y dimpués con os sublevatos. En rematar a guerra se casó con Juliana Anoro con qui tenió dos fillas: Teresa y Carmen.

En 1968 se tresladoron ta Zaragoza, a on que continó teballando dica l'anyo 1979, en que se chubiló, como pastor. Antis, en 1973 tornó ta o mundo d'o dance como mayoral de Monegros, organizando a grupos de chóvens que quereban continar con ista tradición.

En l'anyo 1988 fació parti d'a gravación d'o disco documental "Monegros", a on que interpretaba o "Romance del Montañés", tanyendo a gaita de boto y chunto a las danzants de Castillón. O Ministerio de Cultura premió o disco como a millor edición discografica de l'anyo en 1990.

En primerías d'a decada de 1990, prencipió a replegar as suyas remeranzas sobre dance y romances, publicando en 1999 l'Asociación de Gaiters d'Aragón istos textos en o libro "Historia del antiguo dance de Castejón de Monegros". Ixe mesmo anyo amaneixe tamién un disco libro d'a colección Aragón LCD de Prames, "La gaita en los Monegros", a on que Simeón colabora con gravacions d'o "Romance de los trece Pilares", o "Romance del Amor Ausente", una parti d'a "Despertadera" y o cuento de "Los pastores y los moros".

En l'anyo 2008 sale un nuevo disco documental adedicato a tot o repertorio de romances de Simeón Serrate: "Romances de ronda en Castejón de Monegros", con transcripcions y anotacions de José Manuel Fraile Gil, especialista en o romancero panhispánico.

En os zaguers anyos d'a suya vida s'adedicó a fabritar pitas y canyas ta gaitas y cullaras de buixo, asinas como a amostrar os secretos y tecnicas d'o instrumento a os chóvens gaiters. Tamién ha asistito a trobadas de gaiters como a de Robres en la que yera habitual u a d'o festival "L'Almozara Folk", en o barrio de l'Almozara (Zaragoza), a on que recibió un homenache por parti de l'Asoziación Cultural Bente d'Abiento en a III Trobada de Gaita de Boto Aragonesa[2]

Morió en Zaragoza o día 10 de chinero de 2011 con 98 anyos d'edat.

Obra[editar | modificar o codigo]

Discografía[editar | modificar o codigo]

  • "Monegros" (1988)
  • "La gaita en los Monegros". Colección Aragón LCD. Prames (1999)
  • "Romances de ronda en Castejón de Monegros (Huesca)". Transcritos y anotatos por José Manuel Fraile Gil. Coordinación de Mario Gros Herrero. Archivo de Tradición Oral d'Aragón (2008)

Bibliografía[editar | modificar o codigo]

  • "Historia del antiguo dance de Castejón de Monegros". Asociación de Gaiters d'Aragón (1999)

Vinclos externos[editar | modificar o codigo]

Referencias[editar | modificar o codigo]