Siltita

De Biquipedia
Ir ta: navego, busca
Un fragmento de siltita.

La siltita u piedra de limo ye una roca sedimentaria siliciclastica formada por particlas unidas de mida limo (entre 0,002 mm y 0,063 mm), mida mes chicota que en las arenitas y més gran que en las archilitas. Fan part de las lutitas.

A l'egual que las archilitas pueden presentar una fina laminación. Se diferencian de las archilitas por lo tacto aspro, mesmo si la siltita ye humida. Las colors de las siltitas gosan estar amarillencas, marrons, naranchas, grisas u verdencas.

Composición mineralochica[editar | editar código]

Los clastos gosan estar de quarz en la suya mes gran part. Bi ha minerals de l'archila. Se puet trobar atros minerals como las micas, zeolitas, calcita, dolomita y cheso.

Denominacions[editar | editar código]

Esta roca no presenta una denominación especifica tradicional en aragonés que se conoixca, pero puet recibir la denominación d'"asprón" a l'egual que las piedras d'arena por estar aspra, rocas con las que puet coincidir en muitas unidatz sedimentarias como lo flysch. En anglés se diz siltstone (literalment "piedra de limo") u siltite, d'a on atros idiomas internacionals prenen lo respectivo termin como un tecnicismo scientifico.

Bibliografía[editar | editar código]