Serie de reaccions de Bowen

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Esquema d'as series de reacción de Bowen.

A serie de reaccions de Bowen amuestra os minerals que se van formando a partir d'un magma orichinal por cristalización y posible reacción quimica con o magma resultant.

Seguntes Norman L.Bowen cuan encomienza a cristalización d'un magma, as rocas que en resultarán dependerán d'a velocidat de solidificación y de que os diferents minerals que se van formando a mesura que s'alcanza a suya temperatura de cristalización permaneixcan adintro d'o magma liquido u caigan a lo fondón, podendo u no reaccionar con o fluido remanent, a temperaturas cambiants cada vegata mes baixas. A reacción entre o mineral critalizato y o fluido resultant empobrito en os elementos embrecatos en a cristalización d'este mineral y cada vegata a menor temperatura sigue una secuencia dita "serie de reacción".

As series de reacción son de dos tipos: continas si cambea unicament a composición y discontinas si o cambeo ye de composición y estructura cristalina.

Bowen establió a partir d'un magma de composición basaltica a serie de reacción discontina d'os minerals ferromagnesians: olivín, auchita, hornblendab y biotita y a serie de reacción contina d'os feldespatos: anortita, plachioclasas cada vegata con menos calcio y mes sodio y albita.

Dimpués d'a biotita y l'albita se forma o feldespato potasico, seguito por a moscovita, pa rematar en o cuarz.

Con as series de Bowen s'explica a incompatibilidat de l'olivín y o cuarz en as rocas y que no coincidan, y tamién que a partir d'un magma basico pueda cristalizar una roca acida por diferenciación magmatica si o fluido en movimiento va perdendo elementos como o magnesio u o fierro a mesura deixa dezaga os minerals que van crisstalizando, u si o fluido ye estatico y van cayendo ixos minerals en o fondón d'a cambra magmatica.

Bibliografía[editar | modificar o codigo]