Semicultismos en o castellán

De Biquipedia
(Reendrezato dende Semicultismos en castellán)
Ir ta: navego, busca

Os semicultismos en o castellán asobén se troban asociatos a lo lexico eclesiastico.

Las parabras latinas ARGILA y RINGERE se deformoron ta plegar dica arcilla y reñir. Pero no se desveniba lo mesmo con parabras propias de la predicación u cerimonias relichiosas, que encara que se pronunciasen d'una traza diferent a lo latín orichinal, prebaban de pronunciar-las d'una traza respetuosa con ella. La chent que sentiba ixas parabras en intes de celebración relichiosa s'avezó a la pronunciación eclesiastica, que a la fin impidió que se consumasen las leis foneticas usuals.

Asinas, de lo lexico cristián la parabra VIRGINE dió virgen y no *verzen, ANGELUS dió angel y no *año u *anlo.

Con la mesma traza las parabras SAECULUM, REGULA, APOSTOLUS, EPISCOPUS, MIRACULUM, PERICULUM, CAPITULUM esdevinioron siglo, regla, apóstol, obispo, milagro, peligro, cabildo, muito diferents a las solucions patromonials que s'hesen dato si no i hese habito una presión latinizant dende un estamiento relichioso: *siejo, reja, abocho, besbo, mirajo, perijo y cabejo.

La influencia de l'administración estió pareixita pero menos ampla. Los notarios redactaban lurs documentos en latín, d'alcuerdo con formulas repetitivas, que quan las leyeban los atorgants, se quedaban en lur memoria. Eixemplos:

  • Una clausula emplegata asobén yera VENDO TIBI MEA RATIONE IN ILLA TERRA, y con este sentito se quedó pa cutio a i en ración, que desapareixió en la forma patrimonial u vulgar razón.
  • Quan se mencionaba a lo monarca se introduciba REGNANTE (REGNANTE ADELFONSO IN LEGIONE, REGNANTE REGE NOSTRO ORDONIO por eixemplo), y dimpués se deciba REGNUM DEI. Esto fació que REGNARE y REGNUM s'aturasen en reinar y reino y no plegasen ta *reñar u *reño.

Bellas palabras de rechistro culto u nombres d'oficio de chent asociata a un nivel cultural alto pa la epoca tamién representan semicultismos en castellán:

  • PHYSICUS > fésigo ("medico" en castellán antigo)
  • TOXICUS > tósigo
  • CANONICUS > canónigo ("calonche")

Bi ha dobletz entre formas cultas y semicultas (secular y seglar), u entre formas patrimonials y formas semicultas (reja y regla).

Veyer tamién[editar | editar código]


 
Gramatica d'o castellán
Fonetica Accentuación · Fonetica · Fonolochía
Morfolochía Adverbios · Articlos definitos · Articlos indefinitos · Chenero · Conchuncions · Determinants · Numerals · Numero · Pronombres (Pronombre presonal) · Prefixo · Sufixo · Preposicions · Verbos (Locucions verbals)
Sintaxi Concordancia · Negación · Sintagma adchectival · Sintagma nominal · Sintagma verbal · Orden de pronombres · Voz pasiva
Lexicolochía Cultismos · Lexico (Arabismos · Aragonesismos · Catalanismos · Helenismos · Mozarabismos · Occitanismos) · Semicultismos
Ortografía Normas ortograficas d'o castellán