Selvagem Pequena

De Biquipedia
Ir ta: navego, busca
Selvagem Pequena
Selvagem Pequena - 1ago04.jpg
Selvagem Pequena
Localizazión
Estato Flag of Portugal.svg Portugal
Archipielago Flag of Madeira.svg Islas Selvagens
Ocián Ocián Atlantico
Cheografía
Superficie 0,20 km²
Punto más alto 49 m
Demografía
Población 0 habitants
Mapa
Selvagem Pequena location map.svg
Selvagem Pequena en as Islas Selvagens

A Selvagem Pequena (literalment "Salvache Chicota", tamién conoixita como Pitão Grande) ye una isla situata a o sudeste d'a Selvagem Grande, en as islas Selvagens, parti integrant d'a Rechión Autonoma de Madeira, Portugal.

A Selvagem Pequena ye una isla que presenta una cota baixa, rodiata de altos fundos que le permiten duplicar a suya aria quan baixa a mar. Amás d'as zonas rocosas, a isla tien en o interior dunas y presenta una placha d'arena blanca. Tien una aria de nomás 20 hectarias.

Bi ha un farol activo y una estación de vichilancia d'a Reserva Natural d'as Islas Selvagens, que sirve como refuchio d'os vichilants que i son dende abril dica noviembre, epoca en que as condicions maritimas lo permiten, ya que d'hibierno ista isla ye quasi inaccesible. Ye freqüent trobar repuis de perdugas de combustible d'embarcacions.[1]

O NRP Schultz Xavier de l'armada portuguesa en a Selvagem Pequena

A suya unica tuca ye o Pico do Veado, un tozal rocoso con 49 metros d'altaria en a costa norte d'a isla. A Selvagem Pequena se localiza alto u baixo a 300 kilometros d'a isla de Madeira y a 160 a o norte d'as Canarias.

Fauna y flora[editar | editar código]

Tanto a Selvagem Pequena como a isleta de Fora poseyen una flora autoctona en o suyo estato natural, ya que en istas islas nunca no s'han introducito plantas u animals, estando verdaderas muestras d'o pasato. Ista isla poseye nueu endemismos dos once que existen en o subarchipielago Selvagens.

En a Selvagem Pequena nomás existen aus marinas, entre as que destacan a gran colonia de Pelagodroma marina y a nidificación ocasional de Sterna dougallii y de Sterna fuscata.

Referencias[editar | editar código]

Vinclos externos[editar | editar código]


Flag of Madeira.svg As islas y isletas de l'archipielago de Madeira Flag of Madeira.svg

Madeira (Isleta da CevadaIsleta do CampanárioIsleta CompridoIsleta do FarolIsleta da ForjaIsleta do GorgulhoIsleta do LidoIsleta MoleIsleta de Nossa Senhora da ConceiçãoIsleta da PontinhaIsleta do Porto da CruzIsleta PretoIsleta da RamaIsleta da Rocha do NavioIsleta de São JorgeIlheuzinho)
Porto Santo (Isleta da CalIsleta das CenourasIsleta de CimaIsleta de ForaIsleta de FerroIsleta da Fonte da Areia)
Islas Selvagens (Selvagem GrandeSelvagem PequenaIsleta de ForaPalheiro da TerraPalheiro do MarIsleta SinhoIsletas do NorteIsleta RedondoIsleta CompridoIsleta AltoIsleta PequenoIsleta do SulIsleta Grande)
Islas Desertas (Deserta GrandeIsla do BugioIsleta Chão)