Selvagem Grande

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Selvagem Grande

Selvagem Grande
Localizazión
Estato Portugal
Archipelago Islas Selvagens
Oceano Oceano Atlantico
Cheografía
Superficie 5 km²
Punto más alto 163 m
Mapa

Selvagem Grande en as Islas Selvagens

A Selvagem Grande ye a mayor isla d'as islas Selvagens, parti integrant d'a Rechión Autonoma de Madeira. Tien un aria d'alto u baixo 5 km². A isla perteneixe a o Grupo Nord-este, que incluye amás tres isletas: Sinho, Palheiro do Mar y Palheiro da Terra.

As suyas costas son escarpatas, con bellas espelungas. O suyo punto mas alto ye o Pico da Atalaia, con cuasi 163 metros d'altaria. En iste pico, en días de buena visibilidat, se pueden veyer, a o sud, os 3.718 metros d'o Pico de Teide, en a isla de Tenerife, en as Canarias.[1]

D'as islas Selvagens, a Selvagem Grande y a unica isla que ye habitata tot l'anyo. Cada tres semanas, un barco d'a armada fa una rota a ista isla ta levar provisions a l'equipo de vichilants d'o Parque Natural de Madeira que i viven. Istos profesionals, amás d'o treballo de vichilancia, fan tamién un treballo cientifico monitorizando cuantos parametros ambientals, en tierra y en a mar (fauna y flora). En ista isla bi ha un faro y dos cisternas ta almadazenar augua.

A isla se troba a bels 280 kilometros d'a isla de Madeira y a 175 kilometros alto u baixo d'as Canarias.

Historia[editar | modificar o codigo]

Mapa d'a Selvagem Grande

A Selvagem Grande yera destín de cazatas regulars dica a creyación d'o Parque Natural de Madeira, y o establimiento d'un puesto de vichilancia permanent. En 1976, se i facioron cuantas cazatas, que cuasi estricalloron a población de Calonectris diomedea existent, estando muertos tanto eixemplars chóvens como adultos, indiscriminadament. Dende alavez a población ha ito creixendo a moniquet.

Existen vestichios de población, como terrazas de cautivo, una cisterna, canals ta augua (levadas) y mesmo dica un furno. A introducción d'os conellos y, acidentalment, d'os ratons, han suposato una alteración d'a flora autoctona. En 2002 s'encetó un prochecto ta mirar d'erradicar todas as especies introducitas.

Fauna y flora[editar | modificar o codigo]

Selvagem Grande

Entre a fauna d'a Selvagem Grande cal destacar as siguients especies: Bulweria bulwerii, Puffinus assimilis, Oceanodroma castro, Sterna dougallii, Anthus berthelotti canariensis, Pelagodroma marina y Calonectris diomedea. Istos dos zaguers estioron obchecto de caza ilegal. Amás tamién bi ha una especie endemica de checo, o Tarentola boettgeri bischoffi.

Respective a la flora a especie que mas destaca ye a Roccella tinctoria.

Referencias[editar | modificar o codigo]

Vinclos externos[editar | modificar o codigo]


As islas y isletas de l'archipielago de Madeira

Madeira (Isleta da CevadaIsleta do CampanárioIsleta CompridoIsleta do FarolIsleta da ForjaIsleta do GorgulhoIsleta do LidoIsleta MoleIsleta de Nossa Senhora da ConceiçãoIsleta da PontinhaIsleta do Porto da CruzIsleta PretoIsleta da RamaIsleta da Rocha do NavioIsleta de São JorgeIlheuzinho)
Porto Santo (Isleta da CalIsleta das CenourasIsleta de CimaIsleta de ForaIsleta de FerroIsleta da Fonte da Areia)
Islas Selvagens (Selvagem GrandeSelvagem PequenaIsleta de ForaPalheiro da TerraPalheiro do MarIsleta SinhoIsletas do NorteIsleta RedondoIsleta CompridoIsleta AltoIsleta PequenoIsleta do SulIsleta Grande)
Islas Desertas (Deserta GrandeIsla do BugioIsleta Chão)