Selba
De Biquipedia
- Ta atros emplegos se beiga Selba (desambigazión).
Una selba u bosque ye una superfizie con una gran densidat de árbols. En reyalidat, esisten asabelas definizions de selba[1]. Ditas comunidaz de plantas cubren grans arias d'a Tierra e funzionan como abitats animals, moduladors de fluxos idrolochicos e conserbadors d'o suelo. Autualment, as selbas ocupan, alto u baxo, o 30% d'a superfizie d'a Tierra, encara que son reblando en as zagueras decadas por a creixent esplotazión forestal, como ye o caso en l'Amazonia d'o Brasil.
Á sobent, s'esferenzia entre una selba natural u selba primaria y una selva artifizial u selba antropizata, en considerando que a selba natural ye libre d'as influyenzias umanas, mientras que a segunda ye mesmo modelata por l'azión de l'ombre. Sin d'embargo, cal parar cuenta en que ista esferenzia ye muit poco reyalista, y más en Europa, á on o estato autual d'as selbas ye consecuenzia d'una autibidat umana de sieglos en os bosques. Puet estar que en Europa os zaguers montes con selbas primarias se troben en bellas rechions montañosas d'Eslobaquia; bellos exemplos de selbas naturals en atros lugars d'o mundo son l'Amazonia en Brasil, bosques tropicals en as marguins d'o río Congo en Africa u bellos bosques boreals en o Canadá.
[editar] Referenzias
- ↑ Lund, H. Gyde (coord.) 2006. 'Definitions of Forest, Deforestation, Afforestation, and Reforestation'. Gainesville, VA: Forest Information Services. Available from : http://home.comcast.net/~gyde/DEFpaper.htm
