Senyes

Senyes
Localidat d'Aragón
Una casa caíta, de l'espoblato de Senyes
Entidat  • País  • Provincia  • Comarca  • Municipio	Lugar Aragón  Uesca Sobrarbe Plan
Población  • Total	0 hab. (2005)
Altaria	1365 m.
Distancia  • 160 km  • 40 km  • 15 km	enta Uesca enta l'Aínsa enta Plan
Codigo postal	22367
Parroquial  • Diocesi  •Arciprestato	Balbastro-Monzón Sobrarbe

Esta fuella ye escrita n'el parlar de La Comuna.

Senyes (oficialment y en castellano Señes) ye un espoblato aragonés de la val de La Comuna, per alto de Sin e de Serveto, que en descomponer-se este municipio l'encluyoron a'l de la villa de la valle vecina de Plan. El lugar de Senyes se conserva encara drecho, anque l'esfuerzo ta que se i haiga aguantau el fayoron más que más es vecinos d'antes que tenioron que emigrar pero que han estau puyando-ie un anyo a l'arreu de l'atro totz estes tiempos, ta mantener y tamién t'arreglar las pocas casas que el componen.

Ta hoi mos n'han llegau caitas bien pocas casas. l'Abadía, que ye como en totz es lugars de Sobrarbe deciban a la casa de'l mosén, ye bien malmesa, y tamién la ilesia que ye cerrada, ya en abe buens anyos.

La pista que i lleva ye un alcurze que amanece dende abaixo, d'an que ye la carretera de Serveto, bells 700 m d'antes d'este lugar quan se i va dende Sin, y alavez puya per las faixas que bien antes yeran de cultivo, y se mete, tot de tierra, t'alto t'an que se comienzan a viyer las casas de Senyes. De turismo no en i hai mica que puye ta'l lugar, perque l'acceso ye bien difícil sin 4x4.

Vinclos externos

• Se veigan as imáchens de Commons sobre Senyes..
• (an) Estadisticas d'el nuclio n'el portal AragonEsAsi.com
• (es) Información n'el portal LosPirineos.info