Sarradui

Sarradui
Localidat d'Aragón
Entidat  • País  • Provincia  • Comarca  • Municipio	Lugar Aragón  Uesca Ribagorza Isabana
Población  • Total	56 hab. (1991)
Altaria	912 m.
Distancia  • 121 km	enta Uesca
Codigo postal	22482
Parroquial  • Diocesi  •Arciprestato	Balbastro-Monzón Ribagorza

Sarradui (Serraduy en castellán) ye un lugar de la provincia de Uesca situato en la comarca de la Ribagorza, en lo municipio d'Isabana. En 1991 teneba 56 habitants.

Cheografía

Lo vico viello (Barri de Sarradui) ye a 912 u 914 metros, con buena anviesta de l'Isabana. Amán d'este i ye La Vileta y Riguala, y de chos la Penya Bllanca la ermita de la Virgen de la Feixa. La más gran parte de los habitants viven en lo moderno nuclio de Lo Pont, que ha apareixito arredol de lo puent romanico que cruza l'Isabana y chunto a l'actual carretera.

Parla

Se i charra catalán ribagorzano. La parla de Sarradui la estudeo Günter Haensch en Las Hablas del Valle de Isábena, un estudeyo de comparación con la parla de Calvera y Las Farrerías. Lo catalán ribagorzano de Sarradui ye más castellanizato que las parlas catalanas de más a lo norte, por estar más a man de Graus.

• En lo catalán de Sarradui bi ha casos de E ubierta que en catalán cheneral tienen e trancata y en aragonés y castellán diftongo -ie-: hErba, pEdra, etz...

• Lo -o final se pierde nomás que en bells casos:
  • Sufixo -ut: pantxut, txibut
  • Sufixo -ell y formas asimilatas: martell, cervell, budells, cavells, pastell, rovell.

• Predomina la presencia de -o final como en castellán, a diferencia de la parla de Calvera:
  • pulso, meligo, primo, fillo, radero ("zaguero").

• A l'egual que en bells casos de l'aragonés baixorribagorzano (mano) ye una -o final recompuesta, como se vei en:
  • Lo sufixo -ero, herbero, soltero, esquerrerlo, salinero.
  • En los presents de los verbos: io sigo, io estigo, io tingo, io veigo, io rigo.
  • En los participios de bells verbos irregulars, d'aspecto como lo participio aragonés: feto, dito, cuito
  • Palabras con lo sufixo -illo: cutxill, sepillo, carrillo.

• Se diferencia de la parla de Calvera tamién car bi ha -n final romanz, -n que lo catalán pierde:
  • man, capellán, pan, tabán, guarán, arisón, caixón, crabón, garganchón, falcón, polbón, pimentón.

• Los participios regulars son en -au, -eu, -iu como en benasqués, a diferencia de las parlas de Calvera-Las Farrerías, que son en -at, -et, -it:
  • despullau, bonyau, treballau, podéu, debéu, movéu, cayéu, aburriu, vivíu, veníu.

• La desinencia de segunda presona plural ye más pareixita a lo catalán cheneral y se diferencia de la forma que prene en Calvera-Las Farrerías:
  • treballau, podéu.

• En lo lexico se i conservan palabras que en la parla coloquial metropolitana y arias d'influencia se perdioron: estona, estrena ("propina" en cheneral), trunfa ("patata" en cheneral).

• Bi ha más castellanismos lexicos que en la parla de Calvera-Las Farrerías: fresa, navidá(d), sementerio, juguete, consejo, risau, vos, peine, espejo, heredero, ajo, viejo. Los viellos emplegan galta, bres y forquilla mientres que los chóvens emplegan carrillo, tenedó y cuna.

Toponimia

S'escribiba Sarradué u Sarraduit antigament. Ye un toponimo tipico ribagorzán-oriental con terminación ui que puet indicar pertenencia. Gerhard Rohlfs crei que se remonta a l'antroponimo SIRADUS documentato en Aquitania, egual que o toponimo Siradan de lo departamento de los Altos Pirineus.

Lo toponimo riguala puet estar un aragonesismo arcaico, con diftongo -ua- en o sufixo -uelo, que en catalán ye -ol, -ola.

Molimentos

• Puent de piedra sobre l'Isabana que leva ta la Ilesia.
• Ilesia romanica.
• Ermita.

Veyer tamién

• Lista de municipios de Uesca