Santiago Sas y Casayau
| Santiago Sas y Casayau | |
|---|---|
.jpg) Santiago Sas, en os Setios de Zaragoza. |
|
| Información personal | |
| Calendata de naixencia: | 1774 |
| Puesto de naixencia: |  Zaragoza (Aragón) |
| Calendata de muerte: | 22 de febrero de 1809 |
| Puesto de muerte: | Zaragoza (Aragón) |
| Ocupación: | Relichioso |
Santiago Sas y Casayau, naixito de Zaragoza o 21 de chulio de 1774 (perteneixent a una familia noble[1] orichinaria de Luco de Xiloca)[2] y muerto en ixa mesma ciudat o 22 de febrero de 1809, estió un relichioso aragonés, que destacó en a esfensa d'a ciudat de Zaragoza en os Setios de Zaragoza mientres a Guerra d'o Francés, contra l'Exercito francés de Napolión.
Contenius |
[editar] Os Setios de Zaragoza
En chunio de 1808, quan as tropas francesas plegaban enta Zaragoza, Santiago Sas pagó d'a suya pocha bellunas companyías de soldatos armatos con escopetas, parroquians d'a ilesia y vico de Sant Pablo, con os qualos luitó o 15 de chunio de 1808 en as Eras de Zaragoza (en a dita batalla d'as Eras) contra as tropas francesas mandatas por o cheneral Charles Lefebvre-Desnouettes, que fue redotato.
En o Primer Setio de Zaragoza, Sas estió tamién en primera fila en totz os combates que bi habió, estando a más conseller de José de Palafox y Melci.[3]
Dimpués d'a rendición de Zaragoza en febrero de 1809 en o Segundo Setio de Zaragoza, o cheneral francés Lannes no respetó as clausulas sinyatas t'a rendición, y asinas Santiago Sas y o pai Basilio Boggiero Spotorno fuoron asasinatos a bayonetazos en o Puent de Piedra por soldatos franceses o 22 de febrero,[4] y os suyos cuerpos chitatos a o río Ebro.[5]
[editar] Homenaches
En o Puent de Piedra hue bi ha un obelisco t'a suya memoria y t'a memoria de Boggiero.
[editar] Bibliografía
- (es) Santiago Sas en a pachina web d'a Fundación 2008.
- (es) Exposición que presentó al general Palafox el doctor don Santiago Sas, en Agustín Alcaide Ibieca: Historia de los dos sitios que pusieron a Zaragoza en los años de 1808 y 1809 las tropas de napoleon: Que pusieron a Zaragoza en los años de 1808 y 1809 las tropas de Napoleón (1831, Burgos).
- (es) Santiago Sas en a Gran Enciclopedia Aragonesa.
- (es) Imachens d'o molimento commemorativo de Sas y Boggiero en www.1808-1814.org.
- (es) Relato d'a muerte de Sas y Boggiero en Los Episodios Nacionales, de Benito Pérez Galdós, en Wikisource.
[editar] Vinclos externos
Se veigan as imáchens de Commons sobre Santiago Sas y Casayau.
[editar] Referencias
- ↑ (es) Participación de la nobleza aragonesa en los Sitios de Zaragoza.
- ↑ (es) Santiago Sas.
- ↑ (es) Historia de un Puente de Piedra.
- ↑ (es) Los Sitios en el Rabal Zaragozano, en Viajar-Aragón.
- ↑ (es) Plaza de Santiago Sas en Fundación 2008.
