Sant Mitier (Mediano)

De Biquipedia
Ir ta: navego, busca
Iste articlo tracta sobre Sant Mitier, que ye un lugar d'Aragón. Ta altros usos de «Sant Mitier» se veiga Sant Mitier (desambigación).
Sant Mitier
Localidat d'Aragón
Torre de Sant Mitier
A torre de l'antiga ilesia de Sant Mitier, actual campanal exento de a nueva.
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

12 hab. (2010)
Altaria 747 m.
Distancia
 • 100 km
 • 9 km
 • 16 km

enta Uesca
enta l'Aínsa
enta Tierrantona
Codigo postal 22394
Patrons Santa María de l'Asumpción y Sant Antón Abat
Parroquial
 • Diocesi
 •Arciprestato

Balbastro-Monzón
Sobrarbe
Ríos Bco. Sant Antón y río Susía
Sant Mitier en Aragón
Sant Mitier
Sant Mitier
Situación de Sant Mitier en Aragón

(oficialment, en castellano, «Samitier») ye un lugar aragonés d'o municipio d'A Fueva, en a comarca de Sobrarbe y a provincia de Uesca. A suya población ye de 12 habitants (2010[1]).

Cheografía y historia[editar | editar código]

O lugar de Sant Mitier se troba en as garras d'o tozal de Sant Mitier por a man solana (occidental), en a val d'o río Susía y a poca distancia d'o río Cinca.

Feba parte de a dita ribera de Mediano, que con Mediano en cabeza yera una d'as arias de millor cultura en toda a comarca d'o Sobrarbe. Manimenos, con a construcción de l'entibo de Mediano en 1969 se cacegó buena cosa d'as fincas, y con más importancia, a capital municipal que yera Mediano.

Tenió un municipio propio dende 1834[2] dica o periodo intercensal 1842-1857, quan que s'achuntó con o municipio de Mediano.[2] Dende a decada de 1970, Sant Mitier, Mediano y Arasanz fan parte d'o municipio de A Fueva.[2]

Urbanistica[editar | editar código]

O casar de Sant Mitier se troba en fendo costera por as garras d'o tozal homonimo, con bellas casas desalpartadas que tansament guardan garra estructura urbana. A plaza d'o lugar ye chicorrona, situada en chunto a la nau d'a ilesia de Sant Miguel Arcánchel, d'o sieglo XVII[3] y que no tiene campanal. En a plaza se troba a emblematica fuent con calavreras.

Un d'os elementos más envistables que se troba en as inmediacions de lugar ye a torre d'a ilesia antiga, que posiblement teneba estilo romanico y que fue destruida. A torre, que ye a sola parte d'ixa ilesia que s'ha puesto guardar, ni an a tamas de trobar-se difuera d'o casar (en una era en a part baixa d'o lugar, por alto d'a carretera A-138) s'ha quiesto fer funcionar ta campanal ta la ilesia de Sant Miguel, que sí que ye bells metros t'alto, en o casco urbano.

Historia medieval[editar | editar código]

As oríchens historicas de Sant Mitier cal mirar-las en a Edat Meya, y se troban estretament relacionadas con os Castiellos de Sant Mitier, que coronan o cuitiello d'o tozal.

Os castiellos (en verdat no en i hai si que uno, l'altro ye una torre barranya exenta y a demés i hai una ermita) son reconstruccions cristianas sobre una obra anterior d'epoca musulmana (y no purament cristians, como bellas vegadas s'heba quiesto creyer), feitos en o sieglo XI.[4] S'ha puesto documentar que se trobaban baixo dominación de Sancho lo Mayor cara ta 1030,[5] y se conoix que no se movión ya de mans cristianas en os reinaus posteriors.

O nombre de Sant Mitier dimana probablement de l'advocación de a ilesia (actualment ermita) que teneba o conchunto defensivo. Por a importancia estratechica d'o conchunto d'os castiellos, se'n troba constancia documental como «Sant Emeteri» en a Cronica de Sant Chuan de la Penya (s. XIV). Tamién amaneix con a denominación «Sancto Meterio», latinizada exprofés, en belaltro documento medieval, y como «Sanmitier» (forma previa a la castellanización «Samitier») a partir d'o sieglo XVI. A denominación «Sant Mitier» tamién s'ha trobau en textos aragoneses d'a baixa Edat Meya.

Imáchens[editar | editar código]

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 3 7 7
2003 2004 2005 2006 2007 2008 2009 2010 2011
7 8 9 9 9 9 9 12 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Fiestas[editar | editar código]

Se veiga tamién[editar | editar código]

Referencias[editar | editar código]

Vinclos externos[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa