Sancho Garcés II de Navarra

De Biquipedia
Ir ta: navego, busca
Sancho Abarca rendreza en ista pachina, t'o lugar de Taust, se veiga Sancho Abarca (Taust).
Sancho Garcés II
Rei de Navarra y conte d'Aragón
Sancho2Navarra.jpg

970-994
Predecesor García Sanchez I
Succesor García Sanchez II

970-994
Predecesor Andregoto Galíndez
Succesor Sancho Garcés II

Conchuche/s Urraca Fernández
Descendencia García II Sánchez
Remiro de Navarra
Gonzalo de Navarra
Urraca de Navarra
Pai García Sánchez I
Mai Andregoto Galíndez

Sancho Garcés II, dito «Abarca», estió rei de Navarra y conte d'Aragón (970 - 994).

Yera filo d'o rei García Sánchez I y Andregoto Galíndez, filla d'o conte d'Aragón Galindo Aznárez II (867-892)

S'atribuye a iste rei o títol de rei de Navarra, quan en 987 en o Monesterio de Sant Chuan d'a Penya se tetula:

Reinando Yo, D. Sancho, rey de Navarra, en Aragón, en Nájera y hasta Montes de Oca...

En ista epoca os reinos de Leyón, Navarra y o condato de Castiella yeran unitos por lazos familiars; a monarquía navarra manteneba a Remiro III de Leyón, menor d'edat.

Quan morió Alhakén II en 976 y le sucedió o suyo fillo Hixem II tutelato por Almanzor, perigló a estabilidat d'os reinos cristians: as tropas d'Almanzor vencioron a os cristians en Torrevicente, a o sud de Soria; dimpués les tornoron a vencer en Taracueña, amán d'Osma.

En 975 fue redotato por os musulmans en San Esteban de Gormaz, y en 981 en Rueda, a dotze kilometros de Tordesillas, os cristians tenioron una important redota.

Como por as armas no se podeba con Almanzor, Sancho Garcés acudió ta Cordoba como embaixador d'o suyo propio reino, lebando a-saber-los regalos ta o victorioso Almanzor, pactando con ell y dando a o musulmán a suya filla en matrimonio. Fruito d'iste matrimonio naixió lo que heba d'estar Abd al-Rahman Sanchuelo, hereu a o Califato de Cordoba.

Establió o Monesterio de San Andrés de Cirueña (972).

Casato, prebablement, en 962 con Urraca Ferrández, filla de Ferrán González y de Sancha de Pamplona. Antis de 950 Urraca heba estato casata con Ordonyo III de Leyón y en 956 casó con o futuro Ordonyo IV "o Malo", de qui se deseparó.

Fillos:

  • García II Sánchez "o Tembloso", Rei de Pamplona, casato con Ximena Ferrández.
  • Remiro de Navarra (m. 992).
  • Gonzalo de Navarra. Bells documentos lo presentan como conte d'Aragón. Baixo a dependencia d'o suyo pai gubernaba o condato d'Aragón en unión d'a suya mai a reina Urraca.
  • Abda (Urraca) de Navarra "A Bascona", entregata ta Almanzor, y que antis d'ingresar en un convento le dió un fillo, Abderramán "Sanchuelo".


Predecesor:
García Sánchez I
Rei de Navarra
970 - 994
Succesor:
García Sanchez II
Predecesor:
Andregoto Galíndez
Conte d'Aragón
970 - 994
Succesor:
García Sánchez II