San Miguel Arcánchel
De Biquipedia
| San Miguel | |||
|---|---|---|---|
 San Miguel Arcánchel, de Guido Reni |
|||
| Nombre: | San Miguel | ||
| Apodo: | {{{apodo}}} | ||
| Naximiento: | - | ||
| Muerte: | - | ||
| Festibidat: | 29 de setiembre | ||
| Benerado en: | {{{benerato en}}} | ||
| Simbolochía: | {{{simbolochía}}} | ||
| Patrón: | barias relichiones | ||
| Zentro: | {{{puesto pelegrinazión}}} | ||
| Ordens: | {{{orden}}} | ||
| Biatificazión: | {{{biatificazión}}} | ||
| Canonizazión: | |||
| Cuestions: | {{{custions}}} | ||
San Miguel Arcánchel (en ebreu מיכאל Mîkhā’ēl, "Qui como Dios?"; en Grieco Μιχαήλ Mikhaíl; en latín Michael; en Arabe ميكائيل, Mikha'il) ye seguntes la tradizión cristiana e chodiga lo cabo de los Exerzitos Zelestials e, doncas, prenzipe de los anchels.
Pa los ebreus ye lo protector d'Israel e patrón de la sinoga, pero sin d'embargo los cristians lo consideran como patrón e protector de la Ilesia Unibersal e primero de los siet arcánchels, birrei de lo zielo, acompañant de las almas en la eternidat e benzedor de Luzifer. Por este feito en l'arte lo representan como un ánchel con una armadur de cheneral román amenazando con una espata u lanza á un dragón u á lo diaple.
Seguntes la tradizión cristiana, l'arcánchel li s'aparixió á Santa Chuana d'Arco, á Santa Margalida, y tamién lo 13 d'otubre de 1884 á lo Papa Lión XII, qui tenió la esperienzia de beyer á Satanás e los suyos diaples desafiando á Dios e como San Miguel e los suyos exerzitos amanixioron pa esclafar e chitar ta lo infierno á las tropas infernals.
Bi ha muitas representazions artisticas con l'arcánchel Miguel, destacando-ne una estatua de bronze en lo cabalto de lo castiello de Sant'Angelo de Roma. Á més ye lo santo patrón de muitismas poblazions y endreitos.
La suya fiesta ye lo 29 de setiembre. En idioma aragonés l'agüerro se clama tamién "Sanmigalada" por ixe diya.
