Gayo Salustio Crispo

De Biquipedia
(Reendrezau dende Salustio)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Gayo Salustio Crispo
O historiador romano Gayo Salustio Crispo, en un gravato d'o sieglo XIX.
O historiador romano Gayo Salustio Crispo, en un gravato d'o sieglo XIX.
Información personal
Calendata de naixencia 1 d'octubre de 86 aC
Puesto de naixencia Amiternum
Calendata de muerte 13 de mayo de 34 aC
Puesto de muerte Roma
Ocupación Historiador y politico
Conchuche Terencia
Obras De Catilinae coniuratione, Bellum Iugurthinum y Historiae

Gayo Salustio Crispo (en latín, Gaius Sallustius Crispus, 'gaː.i.us sal.'luːs.ti.us 'kris.pus), que gosa estar conoixito simplament como Salustio, estió un historiador y politico d'a Republica Romana, naixito d'Amiternum l'1 d'octubre de 86 aC y muerto en Roma o 13 de mayo de 34 aC.

Respective d'a suya carrera politica, encara que procedeba d'una familia d'orichen plebeyo, ocupó os cargos que gosaban ocupar os politicos romanos d'ixas envueltas mientres o suyo cursus honorum: cuestor, tribuno d'a plebe y senador, estando dimpués forachitato d'o Senau de Roma. Mientres a Segunda Guerra Civil d'a Republica Romana, luitó a favor de Chulio César contra Cneu Pompeyo Magno, estando recompensato por César dimpués d'a suya victoria con a suya readmisión en o Senau, con o cargo de pretor y con o suyo nombramiento como gubernador d'a provincia romana d' Africa Nova. Albandonó a vida politica luego de l'asasinato de Chulio César.

Respective d'a suya obra historica, ye autor de tres obras prou conoixitas, De Catilinae coniuratione, Bellum Iugurthinum y Historiae, que se considera que son as establidoras d'a historiografía romana.

Vinclos externos[editar | modificar o codigo]