Salinas de Trillo

De Biquipedia
Ir ta: navego, busca
Iste articlo tracta sobre Salinas de Trillo. Ta altros emplegos d'o termin «salina» se veiga Salina (desambigación).
Salinas de Trillo
Localidat d'Aragón
20.Salinas de Trillo.JPG
Entidat
 • País
 • Provincia
 • Comarca
 • Municipio
Lugar
Flag of Aragon.svg Aragón
Flag of Huesca (province).svg Uesca
Sobrarbe
A Fueva (municipio)
Población
 • Total

9 hab. (2011)
Altaria 780 m.
Distancia
 • 103 km
 • 25 km
 • 10,5 km

enta Uesca
enta L'Aínsa
enta Tierrantona
Codigo postal 22438
Parroquial
 • Diocesi
 •Arciprestato

Balbastro-Monzón
Ribagorza
Salinas de Trillo en Aragón
Salinas de Trillo
Salinas de Trillo
Situación de Salinas de Trillo en Aragón

Salinas de Trillo ye un lugar aragonés en o municipio de a Fueva, en a comarca de Sobrarbe y a provincia de Uesca. A suya población ye de 9 habitants (2011[1]).

Cheografía[editar | editar código]

Salinas se troba en as garras meridionals de o tozal de Sant Marcos (u «de Trillo»), en a cuenca d'o barranco d'o Salinar que ye afluyent directo d'o río Cinca por a cuentra de Ligüerre. No fa parte d'a subcomarca natural d'a Fueva, anque dende a decada de 1960 os nuclios d'a redolada se troben incorporaus en o municipio de a Fueva.[2] Manimenos, de siempre s'ha puesto tener muita relación con os nuclios d'a Fueva propiament dita, en a que de Salinas se'n gosaba comprar a sal,[3] y arribando dica a compartir tradicions liturchicas y relichiosas con os fovanos, como en ye la romería anyal ta'l santuario de Santa María de Bruís, a poquetz kilometros en o costau de a Fueva de o tozal de Trillo.

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - - - - - 11 11 11
2003 2004 2005 2006 2007 2008 2009 2010 2011
11 11 11 11 11 11 11 9 9
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Toponimia[editar | editar código]

O nombre de Salinas dimana d'a expleitación de sal en o barranco d'o Salinar, que ye lo más probable orichen de l'asentamiento en o lugar. L'augua de o dito barranco ye rica en minerals, y dende fa sieglos se tiene conoiximiento d'expleitacions salinas en a redolada.

S'ha puesto documentar o nombre como «Salillas» antes de 1717,[3] y ixo lo emparentaría con belaltros toponimos que se puede trobar en Chunzano, Nocito y Sesa.[4] A partir de 1717 ya pasa a nombrar-se «Salinas»[3] y posiblement l'apelativo «de Trillo» dimana d'a suya pertinenza a lo municipio que teneba capital en Trillo (a poquet más d'1 km de Salinas), fusionau en o municipio de Clamosa a partir de 1857.[2][5]

Monimentos[editar | editar código]

Casa Palacio (s. XVI), en Salinas de Trillo.

A ilesia de salinas ye o suyo principal monimento; datada en o sieglo XII ye un templo romanico con abside semicircular y una estrcutura que recorda a la ilesia de Sant Chuan d'o Toledo d'a Nata,[6] a l'extrimo oposau de a Fueva. En a decada de 2000 s'ha restaurau a ilesia, y s'ha lempidau o contorno, derribando-se-ie qualques bordas y edificios que i heba, ta fer-la de millor admirar,[6] anque tot ixo le ha dau un aspecto artificial de templo isolau que no ye o suyo aspecto historico natural.[6]

En Salinas tamién existe un casal fortificau, deseparau de o gruixo d'a población, que ha nombre Casa Palacio. Datau en o sieglo XVI,[3][6] tiene una torre de base semicircular que serviba ta guardar millor defensa. Por a suya cronolochía, s'ha puesto emparentar con a epoca en a que tanto Salinas como Trillo feban parte d'a baronía de Monclús y con o beneplácito d'os barons sirvión ta base operativa de bellas mesnada bandosas en o conflictivo periodo d'as guerras d'a Ribagorza.[7] Pareix que en iste sentido, a presencia de o capitoste bandoso Lupercio Latrás estaría atestiguada en a localidat.[7]

Imáchens[editar | editar código]

Fiestas[editar | editar código]

Se veiga tamién[editar | editar código]

Referencias[editar | editar código]

Vinclos externos[editar | editar código]


Lugars d'o municipio d'a Fueva
Poblaus: Aluchán | Buetas | A Cabezonada | Caneto | Charo | Clamosa | Formigals | Fosau | Fuent de Campo | O Lumo de Muro | O Lumo de Ranyín | A Lueza | Mediano nuevo | Moriello de Monclús | O Pocino de Charo | Ranyín | Salinas de Trillo | Sant Chuan | Sant Mitier | Sant Per | Solipueyo | Tierrantona | Trillo | Troncedo
Despoblaus: L'Alquería de Cotón | Arasanz | L'Atiart | Bediello | Benedet | Carrera | A Corona | Fumanal | Ixantigosa | A Lecina | O Lenero | A Marinyosa | O Mediano | Mediano viello | Ministirio | Moliniars | Montero | A Mula | Muro de Roda | A Nau | A Olivera | O Pamporciello | A Peniella | A Plana | O Plano | Rolespé | Sant Per de Trillo | A Selva | A Sierra | Solaniella | O Sotero | Susiaz | A Torre | A Villa